U Miunchienie mužčyna zavabiŭ biełarusa dachaty i sprabavaŭ jaho zhvałtavać
Miunchienski akruhovy sud razhledzieŭ spravu ab zhvałtavańni. Nie zusim zvyčajnym hety praces rabiła toje, što achviaraj zhvałtavańnia byŭ mužčyna.
Biełarus Juryj R. (imia źmieniena) čakaŭ na vakzale aŭtobus na radzimu. Jon byŭ rasstrojeny paśla svarki z kachanaj dziaŭčynaj. Kab źniać napružańnie, Juryj vypiŭ paŭbutelki harełki, piša Süddeutsche Zeitung.
Na vakzale ź biełarusam zavioŭ razmovu mužčyna. Marcin B. raskazaŭ, što jon jeździć u Hiermaniju z Polščy na zarobki, pracuje kruhłasutačnym apiekunom nad pažyłymi ludźmi. Jon zaprasiŭ Juryja dadomu — pryniać duš i kulturna adpačyć.
U kvatery mužčyny vypili piva, biełarus pryloh i zadramaŭ. Ale nieŭzabavie jon pračnuŭsia — i zaŭvažyŭ, što haspadar kvatery sprabuje zaniacca ź im aralnym seksam.
Juryj vyskačyŭ z kvatery, pakinuŭ torbu kala dźviarej, kab nie zabycca adras, i vyklikaŭ palicyju. Biełarus patłumačyŭ, što heta byŭ vielmi niepryjemny dośvied. Jon nazvaŭ dziejańni Marcina prynižajučymi hodnaść. Advakat padaŭ pazoŭ z nahody zhvałtavańnia.
Marcin praz advakata pryznaŭ vinu. Jon skazaŭ, što škaduje, i patłumačyŭ, što pieražyvaŭ niaprosty pieryjad u žyćci i vypivaŭ šmat ałkaholu.
Sud pavinien byŭ kvalifikavać hetuju spravu. Prysiažnyja vyrašyli, što dziejańni Marcina sapraŭdy varta kvalifikavać jak zhvałtavańnie.
Sud pryznačyŭ mužčynu pakarańnie ŭ vyhladzie dvuch hadoŭ pazbaŭleńnia voli z vyprabavalnym terminam.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary