Milicyja kruhłasutačna patruluje vulicy Viciebska — pa horadzie šnyryć hałodny voŭk
Žycharoŭ prosiać nie nabližacca da jaho.
U Viciebsku milicyja pieraviedzienaja na kruhłasutačnaje patrulavańnie vulic z-za paviedamleńniaŭ hramadzian z nahody dzikaj žyvioły — mierkavana vaŭka, zaŭvažanaha ŭ horadzie. Pra heta paviedamili va UUS abłvykankama.
Drapiežnika bačyli ŭ roznych mikrarajonach abłasnoha centra. Razam ź milicyjaj pracuje jehier sa śpiecabstalavańniem.
Na kruhłasutačny režym pracy pieraviedzieny taksama supracoŭniki pa adłovie chatnich žyvioł Śpiecaŭtabazy Viciebska.
Haradžan zaklikajuć być pilnymi i aściarožnymi, ni ŭ jakim razie nie nabližacca da žyvioły i nie kantaktavać ź im. Baćkoŭ prosiać nie pakidać dziaciej adnych na hulniavych placoŭkach i kantralavać ich pieramiaščeńnie pa horadzie.
Tych, chto zaŭvažyć vaŭka, prosiać nieadkładna patelefanavać u milicyju pa numary 102.
Kamientary