Hienprakuratura choča ŭklučyć Bresckuju krepaść u śpis Suśvietnaj spadčyny JUNIESKA
«Z ulikam asablivaj dziaržaŭnaj važnaści rasśledavańnia kryminalnaj spravy ab hienacydzie biełaruskaha naroda».
Hienieralnaja prakuratura ŭniesła prapanovu ŭ Saviet ministraŭ adnosna ŭklučeńnia miemaryjalnaha kompleksu «Bresckaja krepaść-hieroj» u śpis Suśvietnaj spadčyny JUNIESKA.
Hetaje pytańnie abmiarkoŭvałasia niekalki dziesiacihodździaŭ — ekśpierty Mižnarodnaj arhanizacyi naviedvali z hetaj metaj Respubliku Biełaruś u 2003 hodzie. Zatym u 2004 hodzie na abjekt było składziena daśje jak ab transhraničnych fartyfikacyjnych zbudavańniach XIX — pačatku XX stahodździa. Paśla čaho historyka-kulturnuju kaštoŭnaść uklučyli ŭ papiaredni śpis JUNIESKA, ź jakoha ŭ 2016—2017 hadach jaje vyklučyli.
Mahčymaj pryčynaj tamu stała najaŭnaść na terytoryi krepaści manumientaŭ Vialikaj Ajčynnaj vajny. Da 2021 hoda dziejničaŭ maratoryj na ŭniasieńnie ŭ śpis JUNIESKA abjektaŭ, źviazanych z padziejami vajennaj historyi. Pry hetym z hetaha praviła miełasia i vyklučeńnie — budynki i zbudavańni byłoha kancentracyjnaha łahiera «Aśviencim».
U 2020 hodzie, kali jašče dziejničaŭ maratoryj, Brescki abłvykankam i Ministerstva kultury pry padrychtoŭcy Dziaržaŭnaj prahramy «Kultura Biełarusi na 2021 i 2025 hady» prapracoŭvali pytańnie ab prapanovie dla ŭklučeńnia Bresckaj krepaści ŭ śpis JUNIESKA nie ŭ jakaści abjekta Vialikaj Ajčynnaj vajny, a jak abarončaha zbudavańnia Rasijskaj impieryi XIX—XX stahodździaŭ.
Zhodna sa śpisam dziaržaŭnych historyka-kulturnych kaštoŭnaściej Respubliki Biełaruś Bresckaja krepaść padzielena na dźvie historyka-kulturnyja kaštoŭnaści: miemaryjalny kompleks «Bresckaja krepaść-hieroj» (1971 hod) i «Kompleks fartyfikacyjnych zbudavańniaŭ Bresckaj krepaści» (XIX-XX stahodździa).
«Z ulikam asablivaj dziaržaŭnaj važnaści rasśledavańnia kryminalnaj spravy ab hienacydzie biełaruskaha naroda Hienieralnaja prakuratura prapanavała davieści da suśvietnaj supolnaści Bresckuju krepaść nie ŭ jakaści forta XIX stahodździa, a jak miemaryjał Vialikaj Ajčynnaj vajny, jaki simvalizuje abaronu śvietu ad nacyzmu i baraćbu z raźviazanaj palitykaj hienacydu ŭ dačynieńni da našaha naroda», — havorycca ŭ prapanovie Hienprakuratury.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary