Kačanava pa vynikach pasiadžeńnia kalehii MUS zajaviła, što vybarčaja kampanija pavinna prajści zładžana i arhanizavana
Paviedamlajecca, što praca orhanaŭ unutranych spraŭ budzie nakiravanaja na praduchileńnie pravakacyj.
Vybarčaja kampanija ŭ Biełarusi pavinna prajści zładžana i arhanizavana, zajaviła staršynia Savieta Respubliki Natalla Kačanava žurnalistam pa vynikach pasiadžeńnia kalehii MUS, piša BiełTA.
«Vybarčaja kampanija ŭ našaj krainie pravodzicca zaŭsiody vielmi masava, stvarajecca vialikaja kolkaść učastkovych kamisij, — adznačyła Natalla Kačanava. — Usio pavinna prajści zładžana, arhanizavana, biez ekscesaŭ. Pravaachoŭnyja orhany pavinny spracavać vielmi vyrazna. Samaje hałoŭnaje — biaśpieka našych hramadzian pry praviadzieńni hetaha važnaha palityčnaha mierapryjemstva».
Jana dadała, što praca orhanaŭ unutranych spraŭ budzie nakiravanaja na praduchileńnie pravakacyj. Supracoŭnikam DAI treba źviarnuć uvahu na padjezdy, padychody da miescaŭ praviadzieńnia hałasavańnia.
Pierad pačatkam pasiadžeńnia kalehii staršynia Savieta Respubliki naviedała vajenna-patryjatyčny kłub «Ryś», jaki funkcyjanuje na bazie vajskovaj častki №3214. Školniki ŭručyli Natalli Kačanavaj pamiatnyja padarunki.
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary