USU raspaviali, što ŭ mai 2023 hoda za piać chvilin źbili piać rasijskich viertalotaŭ i samalotaŭ nad Branskaj vobłaściu
Śpikier Pavietranych sił USU Juryj Ihnat u intervju vydańniu «Navinarnia» zajaviŭ, što ŭkrainskija vajskoŭcy ŭ mai 2023 hoda pry dapamozie ZRK Patriot na praciahu piaci chvilin źbili adrazu piać rasijskich samalotaŭ i viertalotaŭ nad Branskaj vobłaściu.
«Heta była bliskučaja apieracyja pad kiraŭnictvam kamandujučaha Pavietranymi siłami. Dziakujučy niestandartnym rašučym dziejańniam padraździaleńnia ZRK Patriot za piać chvilin źniščyli adrazu piać bartoŭ na branskim napramku, adkul jany tady bambavali kiravanymi avijabombami našy paŭnočnyja rehijony», — kaža Ihnat.
Pavodle jaho słoŭ, razmova idzie ab źniščalnikach Su-34 i Su-35, dvuch viertalotach Mi-8MTPR-1 i jašče adnym viertalocie Mi-8.
Krušeńnie hrupy samalotaŭ i viertalotaŭ u Branskaj vobłaści adbyłosia 13 maja. Pa infarmacyi «Kommiersanta», byli stračanyja dva viertaloty Mi-8 i samaloty Su-34 i Su-35. Ich ekipažy zahinuli — pavodle źviestak ŚMI, ahułam ad dzieviaci da adzinaccaci čałaviek.
Dziaržaŭnyja rasijskija ŚMI i ŭłady praktyčna całkam praihnaravali toje, što adbyłosia. Aficyjna ŭ Branskaj vobłaści pryznali stratu tolki adnaho viertalota, a pra zahinułych navat nie kazali. 16 maja ŭ sacsietkach zjaviłasia paviedamleńnie, što ŭ Branskaj vobłaści šukajuć cieła druhoha piłota, i ŭłady prosiać miascovych dapamahčy.
Infarmavany rasijski telehram-kanał Fighterbomber, jaki śpiecyjalizujecca na pytańniach avijacyi, tady pisaŭ pra čatyry barty, źbityja za adzin dzień u Branskaj vobłaści. «Takich strat našaj avijacyi jak siońnia, nie było z sakavika minułaha hoda», — pisaŭ rasijski kanał.
-
Rasija znoŭ udaryła pa enierhietycy Ukrainy: u Charkavie i Kijevie adklučajuć aciapleńnie ŭ 20‑hradusny maroz
-
Piaskoŭ: Pieramovy Pucina ź Zialenskim mahčymyja tolki ŭ Maskvie
-
Minenierha Ukrainy zajaviła, što Rasija adnaviła ŭdary pa infrastruktury. Zialenski kaža, što metanakiravanych udaraŭ nie było
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary