«Tam, naviersie, było cudoŭna». 104-hadovaja žančyna skoknuła z parašutam z vyšyni 4000 mietraŭ
Doraci Chofnier z ZŠA upieršyniu skoknuła z parašutam va ŭzroście 100 hadoŭ. Ale i ŭ 104 hady nie źbirajecca spyniacca.
Doraci Chofnier pakinuła svaje chadunki na ziamli i zrabiła tandemny skačok na 4 100 mietrach u Paŭnočnym Ilinojsie (ZŠA), piša The Guardian.
104-hadovaja žycharka Čykaha spadziajecca atrymać siertyfikat samaha staroha čałavieka, jaki kali-niebudź skakaŭ z parašutam.
Suśvietny rekord Hiniesa jak samaja staraja parašutystka pastaviła ŭ mai 2022 hoda 103-hadovaja Linieja Inhiehard Łarsan sa Šviecyi. Ale Skydive Chicago pracuje nad tym, kab Kniha rekordaŭ Hiniesa pryznała skačok Chofnier rekordnym.
Uradženka Čykaha ŭpieršyniu skoknuła z parašutam, kali joj było 100 hadoŭ, i paśla hetaha vyrašyła, što jaje nastupny skačok budzie bolš značnym. Jana chacieła pastavić suśvietny rekord. Praz čatyry hady paśla svajho pieršaha skačka Chofnier ździejśniła histaryčny skačok z parašutam z dapamohaj instruktara Dereka Bakstera ŭ Ilinojsie.
Paśla pryziamleńnia piensijanierka razam sa svaim naparnikam pamachała rukoj natoŭpu hledačoŭ, jakija sabralisia pahladzieć na hetuju znamianalnuju padzieju.
Za momantam skačka nazirali miascovyja žychary i žurnalisty.
«Apynucca znoŭ na ziamli vydatna. Ale tam, naviersie, taksama było cudoŭna. Lepš i być nie mahło, kali b my sami pra heta padumali. Uzrost — heta ŭsiaho tolki ličba, viedajecie», — skazała jana.
Amierykanka namiaknuła, što ŭ jaje budučyni mahčymy treci skačok i ekskursija na pavietranym šary. Chofnier taksama padziakavała presie i hledačam za toje, što jany stali śviedkami znakavaha dla jaje momantu.
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ15
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary