Hrodzieniec u adnym i tym ža haražy farbavaŭ mašyny i vyroščvaŭ marychuanu
U Hrodnie zatrymali miascovaha žychara, jaki vyroščvaŭ u haražy narkatyčnyja raśliny, paviedamili va UUS Hrodzienskaha abłvykankama.
Peŭny čas tamu 41-hadovy žychar Hrodna arandavaŭ haraž, dzie zajmaŭsia farbavańniem aŭtamabilaŭ. A zadniuju častku hetaha pamiaškańnia jon zakryŭ ad čužych vačej i padrychtavaŭ tam miesca dla vyroščvańnia narkatyčnych raślin.
Mužčyna zbudavaŭ boksy, pravioŭ u pamiaškańnie vientylacyju, ustalavaŭ klimat-kantrol i nabyŭ u narkamarkiecie nasieńnie marychuany. Pasadziŭšy raślinu, jon dahladaŭ jaje i źbiraŭ uradžaj.
Niejkim čynam pra heta stała viadoma apieratyŭnikam narkakantrolu UUS, i mužčyna byŭ zatrymany. U jaho haražy vyjaŭlena niekalki harškoŭ marychuany i 13 hramaŭ hatovaj pradukcyi.
Było ŭstanoŭlena, što padazravany zajmaŭsia hetaj dziejnaściu z sakavika biahučaha hoda. Pavodle jaho słoŭ, narkotyk mužčyna vyroščvaŭ dla asabistaha vykarystańnia.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary
Bo mianty trymajuć narka-kramy u darknecie i stryhuć z duračkoŭ i hrošy i “spravy”