Ekanomika66

Staŭki pa valutnych depazitach u biełaruskich bankach rezka źmianilisia proci minułaha hoda

Na siońnia rublovyja depazity stali bolš vyhadnyja za valutnyja.

Staŭki pa ŭkładach źnizilisia ŭ niekalki razoŭ

Letaś pracentnyja staŭki pa ŭkładach mahli pryjemna ździvić układčykaŭ. 

Naprykład, u žniŭni minułaha hoda navat karotkaterminovy (3 miesiacy) biezadzyŭny układ u dalarach ad Biełarusbanka mieŭ staŭku ŭ 5% hadavych. Doŭhaterminovyja ŭkłady ŭ valucie byli i pad 7%.

Skrynšot z sajta belarusbank.by ad 11.08.2022

Ciapier Biełarusbank hatovy brać dalary na try miesiacy pad 0,2% hadavych. Maksimum, jaki prapanuje Biełarusbank pa ŭkładach u dalarach, — heta 2,9%, kali razhladać biezadzyŭnyja ŭkłady terminam na 3-5 hod. Padobnyja staŭki i ŭ inšych bankach krainy.

Skrynšot z sajta belarusbank.by ad 10.04.2023

Pracenty pa ŭkładach u biełaruskich rublach składajuć kala 12—13%, kali razhladać biezadzyŭnyja ŭkłady terminam ad hoda. Letaś staŭki pa ŭkładach u rublach dasiahali 21,5—26,5% hadavych.

«U minułym hodzie staŭki byli značna vyšejšyja, pakolki banki byli zacikaŭleny ŭ pryciahnieńni valuty. Asabliva takaja patreba adčuvałasia paśla pačatku vajny, kali ludzi stali masava zabirać valutu.

Tady, kab prypynić adtok, jany byli vymušanyja padymać staŭki, tym samym imknučysia zachavać starych i pryciahnuć novych ŭkładčykaŭ. Kali situacyja narmalizavałasia, jany pajšli šlacham źnižeńnia stavak», — kaža ekśpiertka BEROC Nastaśsia Łuzhina.

Jana tłumačyć nizkuju zacikaŭlenaść u valutnych układach z boku bankaŭ, u tym liku tym, što ŭ Biełarusi davoli vysokija pracentnyja patrabavańni pa adličeńni ŭ fond abaviazkovych reziervaŭ Nacyjanalnaha banka (FAR).

«Ciapier heta 16%, to-bok bank, jaki pryniaŭ hrošy ad ŭkładčyka, abaviazany 16% ad sumy pieravieści ŭ hety fond. Heta taja suma, jakaja pa fakcie nie pracuje i nie prynosić prybytku banku», — adznačaje Łuzhina.

Usio dziela dedalaryzacyi

Pavodle słoŭ ekanamistki, vysokija staŭki pa adličeńni ŭ abaviazkovy reziervovy fond rehulatar uvodzić z metaj dedalaryzavać ekanomiku.

«Kali ŭ zamiežnaj valucie heta 16 pracentaŭ, to ŭ nacyjanalnaj — usiaho 4. U Rasii taksama niadaŭna pajšli šlacham pavyšeńnia staŭki pa valutnych układach u FAR z 5 da 7%», — adznačaje ekśpiertka.

Ciapierašnija staŭki pa valutnych układach nastolki małyja, što nie pakryvajuć ŭzrovień dalaravaj inflacyi.

«Na ich fonie ŭkłady ŭ biełaruskich rublach vyhladajuć bolš pryvabna, bo pracenty pa ich pieravyšajuć uzrovień inflacyi.

Ale pry hetym jany zastajucca mienš pradkazalnym finansavym instrumientam z pryčyny bolš vysokaj vałacilnaść kursu biełaruskaha rubla ŭ paraŭnańni z kursam taho ž dalara. Apošni hod jašče raz paćvierdziŭ, što va ŭmovach ŭzrastajučych ekanamičnych dysbałansaŭ inflacyja ŭ Biełarusi dosyć chutka razhaniajecca, što dosyć chutka moža źjadać dachod ad źbieražeńniaŭ».

Tym nie mienš, ekśpiertka adznačaje, što na bankaŭskija ŭkłady treba hladzieć, jak na instrumient źbieražeńnia, a nie jak na sposab atrymlivać inviestycyjny dachod

Čytajcie taksama: 

Mabilnym apierataram daduć prava vydavać pazyki

Ci varta ciapier razhladać kuplu nieruchomaści jak dobruju inviestycyju i srodak źbieražeńnia nakapleńniaŭ?

Kamientary6

  • Za Svabodu!
    20.04.2023
    Źbieražeńni ŭ biełaruskich rublach najaŭnymi ci navat pad 13%-biez kamientaroŭ, navat achviary "ŭnuki papali ŭ dtz" i toje ŭ valucie addajuć, navat da starych dajšło, što takoje rubiel. Pad 0,2 pracienta ŭ dalarach-nie śmiešna, pad 3% na try hady i nie zdymieš raniej-jašče bolš śmiešna. Najaŭnyja dołary i jeŭra naša ŭsio. 
  • Vot tak
    20.04.2023
    Niedavno zabrał vkład. Na śledujuŝiej dień pri obmienie v druhom bankie otkazaliś prinimať časť kupiur. Koročie uchožu v minus, niet smysła śviazyvaťsia
  • Maksim Dizajnier
    20.04.2023
    %%

    Rasskaži eto razvalivšiemusia Suisse Bank, oprokinuvšich klijentov na 50 jardov, i izymajuŝij po ukazkie ES pačkami aktivy po nacionalnomu priznaku, na kotorych naživałsia vsiej stranoj diesiatiletijami, dierievnia.

Ciapier čytajuć

Polšča pryznała Alaksandra Mašenskaha niepažadanaj asobaj35

Polšča pryznała Alaksandra Mašenskaha niepažadanaj asobaj

Usie naviny →
Usie naviny

Aryštavali čynoŭnicu ź Minzdaroŭja — vykryli schiemu nielehalnaj pastaŭki lekaŭ u Biełaruś5

U Minsku mužčyna parvaŭ pašpart byłoj žonki, kab nie pakidać joj svajo proźvišča1

Šunievič z žonkaj nie vyjhrali prava na palavańnie na miadźviedzia. Konkurs pravodziła arhanizacyja Šunieviča4

«Piakielnaja praca». Biełaruska raskazała, jak zarabić 200 rubloŭ u dzień na čarnicach

Pradstavili novuju kalekcyju školnaha adzieńnia na budučy siezon FOTY3

Na lidara «Pałaca» Aleha Chamienku zaviali kryminałku za supracu ź miedyja3

Minčanie skardziacca, što ŭ horadzie vielmi mocna śmiardzić. Sanstancyja kaža, što niepakoicca niama pra što5

Fejkavaja žurnalistka «Novaja hazieta Jeŭropa» sprabavała ŭziać intervju ŭ Paŭła Łatuški4

Što nasamreč znachodzicca pobač z kurskim plažam, na jakim ad ukrainskich dronaŭ paciarpieli ludzi4

bolš čytanych navin
bolš łajkanych navin

Polšča pryznała Alaksandra Mašenskaha niepažadanaj asobaj35

Polšča pryznała Alaksandra Mašenskaha niepažadanaj asobaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić