«Puciavodnaja zorka ŭ šalonym patoku suśvietnaj historyi». Pačytajcie, jakuju biazhłuździcu hienieruje Kačanava
«Naša narodnaje adzinstva źjaŭlajecca puciavodnaj zorkaj u šalonym patoku suśvietnaj historyi», — zajaviła nabližanaja da Alaksandra Łukašenki Natalla Kačanava. «Adnak kali ŭvažliva zazirnuć u minułaje, to stanovicca vidavočnym — usio heta ŭžo było, i nie raz», — havoryć jana. I, kaniečnie, słavić Łukašenku: tym, što «Biełaruś zastajecca miescam, dzie chočacca žyć, vučycca, pracavać, hadavać dziaciej, my, biełarusy, šmat u čym abaviazany našamu Prezidentu, našamu nacyjanalnamu lidaru».
«Naša narodnaje adzinstva źjaŭlajecca puciavodnaj zorkaj u šalonym patoku suśvietnaj historyi», — zajaviła staršynia Savieta Respubliki Natalla Kačanava na adkryćci dziasiataj siesii Savieta Respubliki Nacyjanalnaha schodu, pieradaje BIEŁTA.
Pavodle Kačanavaj, siońnia «my źjaŭlajemsia vidavočcami niaprostych transfarmacyj u historyi čałaviectva — źmianiajecca hieapalityčnaja epocha».
«Adnapalarny śvietaparadak pieražyvaje svoj zakat, i farmirujecca šmatpalarnaja sistema kaardynat. Za toje, chto budzie na čale novaj ijerarchii, razhortvajecca žorstkaja i napružanaja baraćba», — skazała jana.
«Asobnyja dziaržavy, jakija ličać siabie viaršycielami losu ŭsiaho čałaviectva, nie žadajuć mirycca sa źjaŭleńniem inšych palityčnych sił. Jany ŭsio hetak ža sprabujuć nasadžvać ułasnyja standarty demakratyi i ekanamičnych madelej, kultyvujuć vuzkałobaje bačańnie scenaryjaŭ budučyni. U achviaru svaim palityčnym ambicyjam jany prynosiać hłabalnuju sistemu biaśpieki, suvierenitet i niezaležnaść inšych krain, ahulnapryniatyja pryncypy mižnarodnaha prava, sapraŭdnyja čałaviečyja kaštoŭnaści», — skazała jana, ale nie nazvała, kaho maje na ŭvazie. Mahčyma, nie Rasiju.
«Adnak kali ŭvažliva zazirnuć u minułaje, to stanovicca vidavočnym — usio heta ŭžo było, i nie raz», — dzielicca nazirańniem Natalla Kačanava.
Dalej jana ščodra ŭznosić Łukašenku.
«Ab pierypietyjach histaryčnaha šlachu Biełarusi hruntoŭna i vyrazna rastłumačyŭ naš Prezident u čas adkrytaha ŭroka «Histaryčnaja pamiać — daroha ŭ budučyniu» i patryjatyčnaha forumu «Heta naša historyja». Upeŭniena, što hetyja cudoŭnyja vystupleńni hłyboka kranuli kožnaha z nas», — vyraziła ŭpeŭnienaść jana.
«Ź viedańniem historyi prychodzić i razumieńnie kaštoŭnaści narodnaha adzinstva jak sistemaŭtvaralnaha koda biełaruskaj nacyi, našaj unutranaj siły, našaha nacyjanalnaha stryžnia», — skazała Kačanava frazu, jakuju historyki, vierahodna, zmohuć paŭtarać na sudzie, bo mienavita viedańnie historyi ŭ Biełarusi ciapier niebiaśpiečnaja sprava.
«Biezumoŭna, tym, što Respublika Biełaruś, niahledziačy na ŭsie vyprabavańni i ciažkaści, niaźmienna zastajecca miescam, dzie chočacca žyć, vučycca, pracavać, hadavać dziaciej, my, biełarusy, šmat u čym abaviazany našamu Prezidentu, našamu nacyjanalnamu lidaru. Dziakujučy mudraj palitycy kiraŭnika dziaržavy na biełaruskaj ziamli ŭ miry i zhodzie žyvuć ludzi roznych vieravyznańniaŭ, relihij, nacyjanalnaściej, etničnaj i rasavaj prynaležnaści, znachodziać druhi dom vychadcy z zamiežnych krain», — na zusim užo azijackuju liślivaść pierajšła Natalla Kačanava.
Čytajcie taksama:
Kačanava zajaviła, što dla jaje hałoŭnaje — nie padvieści Pucina
Kali Kačanava apošni raz jeła kniedliki?
Łukašenka sustreŭsia z Kačanavaj sam-nasam i spytaŭ, što kaža narod
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary