«Naradžeńnie». Pahladzicie, jaki murał źjaviŭsia ŭ Salihorsku. FOTY
Murał «Naradžeńnie» źjaviŭsia ŭ rajonie ažyŭlenaha skryžavańnia ŭ Salihorsku na tarcy doma №1 pa vuł. Lenina. Mastacki rośpis staŭ praciaham art-prajekta «Tradycyi dziela budučyni», jaki zapuščany da 100-hodździa Biełarusbanka.
Karcina na dzieviacipaviarchovym domie ŭ Salihorsku — vynik tvorčaha ŭzajemadziejańnia «akademičnych» i «vuličnych» mastakoŭ. Na ścianie pracavali vuličnyja mastaki z supolnaści Urban Myths Jaŭhien Sasiura i Leanid Nifiodaŭ, a voś eskiz raspracavała mastak-hrafik Lizavieta Pastušenka, vykładčyca Biełaruskaj dziaržaŭnaj akademii mastactvaŭ.
U asnovie kampazicyi murała «Naradžeńnie» — kłasičnaja para baćkoŭ — Nieba i Maci-Ziamli. Boh Nieba — stvaralnik paradku ŭ Suśviecie. Jaho vobraz źviazvajuć z čystym dzionnym niebam i mudraściu. Maci-Ziamla — pramaci ŭsiaho žyvoha i najbolš pavažany ŭ mifałohii žanočy vobraz.
Nietry Starobinskaha radovišča, dziakujučy jakomu i paŭstaŭ Salihorsk — dar Maci-Ziamli. Na karcinie jaje vałasy nahadvajuć uzor pakładaŭ kalijnaj soli. Momant źjaŭleńnia novaha žyćcia na karcinie — mietafara stvareńnia Salihorska. Zialonaja stužka ŭ vałasach Maci-Ziamli — simvał impulsu raźvićcia.
Raniej murały ŭ miežach prajektu byli stvoranyja ŭ Pinsku, Viciebsku, Połacku, Lidzie, Hrodnie, Babrujsku i Mazyry, Płanujucca prajekty jašče ŭ troch haradach.
Śviatłana Cichanoŭskaja pra krytyku z boku Cichanoŭskaha: Mnie ad hetaha vielmi kryŭdna i niepryjemna40
Kamientary