«Navat nie varta kamientavać», — Zianon Paźniak raskazaŭ, kali i pry jakich umovach vierniecca ŭ Biełaruś
Jarasłaŭ Ramančuk u kastryčniku, kamientujučy situacyju z sankcyjami, zajaviŭ, što jany pamyłkovyja.
«Jość patreba na dyjałoh, i dla hetaha možna navat vykarystoŭvać aŭtarytet i patencyjał taho ž Zianona Stanisłavaviča Paźniaka, kab jon pryjechaŭ u krainu i pasprabavaŭ, kali možna tak skazać, z čystaha lista razmaŭlać ź biełaruskimi ŭładami», — zajaviŭ Jarasłaŭ Ramančuk.
«Narodnaja vola» praź niejki čas vyrašyła pacikavicca ŭ Zianona Paźniaka, ci hatovy jon viarnucca ŭ Biełaruś i na jakich umovach.
— Što nakont majho mahčymaha pryjezdu ŭ Biełaruś, dyk heta vielmi naiŭnaje ŭjaŭleńnie, jakoje navat nie varta kamientavać. Dla hetaha režymu nie isnuje nijakich aŭtarytetaŭ, nijakich maralnych i palityčnych kaštoŭnaściaŭ.
Tamu nie maje sensu pra heta razmaŭlać. Heta naiŭnaje mierkavańnie, jakoje, vidać, spadar Ramančuk, nie padumaŭšy, vykazaŭ.
Pryjechać u Biełaruś?! Nie havarycie hłupstva! I Ramančuk skazaŭ hłupstva. U jakuju krainu i da jakoj ułady vy zaprašajecie mianie pryjechać? Dumajecie, što havorycie?! Tamu heta navat nie chaču abmiarkoŭvać.
— A chaciełasia b vam viarnucca dadomu?
— Ja pryjedu ŭ Biełaruś tady, kali treba budzie…
Śviatłana Cichanoŭskaja pra krytyku z boku Cichanoŭskaha: Mnie ad hetaha vielmi kryŭdna i niepryjemna40
Kamientary