«Kiebič — asoba ŭ historyi. Ale jon nie skłaŭsia jak nacyjanalny dziejač» — Hołubieŭ
Ranicaj 9 śniežnia ad karanavirusa pamior pieršy premjer-ministr Biełarusi Viačasłaŭ Kiebič.
Svaimi ŭspaminami pra Kiebiča z «NN» padzialiŭsia deputat Viarchoŭnaha Savieta XII sklikańnia, historyk Valancin Hołubieŭ.
«Viačasłaŭ Francavič — heta była asoba ŭ najnoŭšaj historyi Biełarusi. Kaniečnie, jon nie skłaŭsia jak nacyjanalny dziejač.
Usio jahonaje žyćcio ad 90-ch hadoŭ pakazvała šarachańni: jon nikoli nie vystupaŭ adkryta suprać biełaruskaj dziaržaŭnaści, padtrymaŭ pryniaćcie svajoj simvoliki. Ale, na žal, jon jak stary kamunist bačyŭ našy pierśpiektyvy tolki ŭ sajuzie z Rasijaj.
Jon śviadoma padpisaŭ Biełaviežskija pahadnieńni ab razvale SSSR, a potym kazaŭ, što nie padpisvaŭ ci nie chacieŭ padpisvać. Razumiejecie, takaja dvaistaść. Adzin čas jon ličyŭ, što pravilna robić voś heta, a potym — inšaje. Jon vyras u toj sistemie, i jamu ciažka było stać lidaram niezaležnaj dziaržavy, choć los jaho na hetuju pasadu šturchaŭ.
Kiebič vialikich podłaściaŭ nie rabiŭ. Ja ŭvohule nie pomniu, kab ź jaho boku ci boku ŭłady rabilisia niejkija podłaści. Tak, išła sproba abaranić staruju sistemu, ale jon nie dapiakaŭ, nie źniščaŭ apanientaŭ. Pa sutnaści, i pieršyja prezidenckija vybary, jakija prajšli pad arhanizacyjaj Kiebiča ŭ 1994 hodzie, byli demakratyčnymi. Jon nie vykarystaŭ administracyjny resurs u tym abjomie, u jakim moh b.
Ja nie pamiataju, kab jon, u adroźnieńni ad inšaha palityka, kazaŭ niešta kiepskaje pra Biełaruś. Ja ŭpeŭnieny, što Kiebič by moh znajści sabie miesca, kab BNF tady pieramoh. Jon byŭ daśviedčany haspadarnik. Moža, bolš daśviedčanaha ŭ sistemie dziaržaŭnaha kiravańnia i nie było na toj momant».
-
Pavieł Sieviaryniec: Maja mara, kab Paźniak, Cichanoŭskaja, Kaleśnikava, Łatuška razam pracavali na Biełaruś
-
Zachadu varta pierahladzieć stratehiju adnosna Biełarusi — inakš prarasijskija nastroi buduć raści
-
Paźniak: Amal nie sumniavajusia, što Miełkaziorava atrucili vorahi Biełarusi i vorahi čałaviectva
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili4
Kamientary