Raŭkoŭ napisaŭ prychilnikam pieramien: «Nijakaja vy nie bolšaść»
Dziaržaŭny sakratar Rady biaśpieki Andrej Raŭkoŭ u svaim fejsbuku vykazaŭsia pra prychilnikaŭ pieramienaŭ.
«Nie mahu nie źviarnuć uvahi na imknieńnie asablivych krykunoŭ usio ž pravieści raździalalnyja linii ŭ hramadstvie. Pa pryncypie «my — voś takija, značyć, dobryja, a chto nie taki — absalutna ŭsie drennyja». Zaŭvažcie, što hetaja ŭstanoŭka padobnaja da nacyzmu. Asabliva z ulikam taho, što nijakaja vy nie bolšaść. Maju na ŭvazie vy — krykuny», — padkreślivaje Andrej Raŭkoŭ.
Jon kanstatavaŭ, što jość ludzi z roznym mierkavańniem. «Ale ŭsie my — adno cełaje. Nie treba padzialać hramadstva pa niejkich prydumanych vami prykmietach. Z hetaha pačynalisia hramadzianskija vojny, vy hetaha chočacie?» — piša Raŭkoŭ.
«Jašče turbuje padychod udzielnikaŭ siońniašniaj pratesnaj ahitacyi da pohladaŭ na pierśpiektyvy raźvićcia krainy. «Razam», «Pieramienaŭ». Z kim razam? Jakich mienavita pieramien? Vy niesiacie ludziam pusty fancik ad cukierki. I heta ŭžo nie žart, heta — padman!» — pierakonvaje svaich siabroŭ Andrej Raŭkoŭ.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu47
Kamientary