Błohiera Źmitra Kazłova z Oršy treci raz zapar asudzili na 15 sutak
Błohiera Źmitra Kazłova, viadomaha jak «Šery kot», treci raz zapar pakarali aryštam na 15 sutak za śniežańskija akcyi pratestu, napisała ŭ fejsbuku pravaabaronca Palina Ściepanienka.
Źmitra asudzili 13 studzienia, pakul jon byŭ za kratami ŭ Oršy. Nichto ź jahonych znajomych ci pradstaŭnikoŭ ab pracesie nie viedaŭ.
Pravaabaronca Ihar Kaźmierčak paviedamlaje, što na Źmitra Kazłova ahułam skłali 8 pratakołaŭ (za ŭdzieł u akcyjach i za raspaŭsiud zaklikaŭ da ŭdziełu), viadoma taksama, što jaho jašče čakaje praces 27 studzienia ŭ sudzie Leninskaha rajona Minska.
«Sam jon skazaŭ: «Čakajcie na majskija», — raskazała Ściepanienka Svabodzie. — Abskardžvać ničoha nie budzie: pryznaje i ŭdzieł u akcyjach, i raspaŭsiud infarmacyi ŭ sacyjalnych sietkach».
Pieršy raz Źmicier Kazłoŭ byŭ zatrymany 25 śniežnia i asudžany na 15 sutak, potym aryšt byŭ praciahnuty.
Aršaniec «Šery kot», jakoha źniali z vybaraŭ za łozunh «Falšyvym vybaram basta», raskazaŭ pra prablemy ŭ rehijonie i žyćcio na błohierskija danaty
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary