Navukoŭcy sprahnazavali źmieny ŭ klimacie da kanca stahodździa
Navukoŭcy Univiersiteta Mičyhana i Univiersiteta Aryzony (ZŠA) pryjšli da vysnovy, što ŭ budučyni chutkaść hłabalnaha paciapleńnia ŭzraście. Daśledčyki ŭpieršyniu paśpiachova zmadelavali ekstremalnaje paciapleńnie ŭ rańnim eacenie (kala 56 miljonaŭ hadoŭ tamu), jakoje, jak čakajecca, moža paŭtarycca ŭ budučyni. Pra heta paviedamlaje lenta.ru sa spasyłkaj na vydańnie Science Daily.
Z dapamohaj klimatyčnaj madeli CESM1.2. daśledčyki vyjavili, što chutkaść paciapleńnia rezka ŭzrastaje z rostam uzroŭniu vuhlakisłaha hazu ŭ atmaśfiery. Adnym z faktaraŭ, jaki tłumačyć vysokuju adčuvalnaść klimatyčnaj sistemy Ziamli, źjaŭlajecca vobłačnaje pokryva. Pamianšeńnie vobłačnaści i nieprazrystaści atmaśfiery ŭ eacienie ŭzmacniła paciapleńnie, vyklikanaje vuhlakisłym hazam. Padobnyja dadatkovyja ŭmovy nazirajucca i siońnia, adnak adčuvalnaść klimatu ŭzroŭniu eacenu nie budzie dasiahnuta pry žyćci ciapierašniaha pakaleńnia.
Rańni eacen (prykładna 48-56 miljonaŭ hadoŭ tamu) byŭ samym ciopłym pieryjadam u historyi Ziamli za apošnija 66 miljonaŭ hadoŭ. Jon pačaŭsia z paleacen-eacenavaha termičnaha maksimumu, jaki charaktaryzujecca rezkim paciapleńniem, što stała pryčynaj vymirańnia mnohich vidaŭ. Tempieratura pavierchni Ziamli była na 14 hradusaŭ Celsija ciaplejšaja, čym siońnia. Uzrovień vuhlakisłaha hazu składaŭ 1000 častak na miljon, što ŭ dva razy pieravyšaje ciapierašni ŭzrovień.
Na dumku klimatołahaŭ, kali ničoha nie budzie zroblena dla skaračeńnia vykidaŭ vuhlakisłaha hazu, to da kanca stahodździa jaho ŭzrovień moža znoŭ dasiahnuć 1000 častak na miljon.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary