Prastatu daktary nazyvajuć druhim sercam mužčyn, bo heta vielmi važny orhan. Ad prastaty, pa vialikim rachunku, zaležyć jakaść žyćcia mužčyny. Čamu?
Kali jość prablemy z prastataj, u mužčyny źnikaje pałavaja ciaha, ukaročvajecca pałavy akt, arhazm «ściorty», prosta niama zadavalnieńnia ad seksu, a paśla arhazmu mohuć niepakoić boli. U vyniku padaje nastroj i ahułam žyćciovy tonus. Siarod najbolš hłabalnych nastupstvaŭ — biaspłodździe: padčas zapaleńnia prastaty sok robicca viazkim, i ŭ vyniku začaćcie stanovicca niemahčymym.
Jak prastatyt daje pra siabie znać
Najpierš mužčyn chvaluje asłableńnie naporu mačy.
Močavypuskańnie moža prachodzić ź ciažkaściami, asabliva ranicaj.
Čaściej chočacca ŭ prybiralniu, u tym liku nočču, mužčyny mohuć pračynacca pa dva-try razy.
Taksama niepakoić bol unizie žyvata, u pachvinie, mašoncy.
Što rabić, kali ŭsie simptomy jość
Nie sprabujcie vyratavać situacyju narodnymi srodkami i BADami, a lacicie da doktara. Jon pryznačyć dvuchtydniovaje lačeńnie, paśla jakoha ŭsio projdzie. Kali ž pachod da doktara zaciahvajecca, to paśla zapuščanuju chvarobu možna lačyć i paŭhoda, i hod.
Jak dapamahčy prastacie
Pierš za ŭsio — nie pieraachałodžvacca. Amatary ablivacca chałodnaj vadoj chutčej za ŭsio buduć mieć prablemy z pradstalovaj załozaj. Kupańnie ŭ pałoncy, skakańnie ŭ śnieh paśla łaźni — usio heta amal u 100% pryvodzić da «mužčynskich prablem».
Basiejn — možna, bo vada tam ciopłaja i pieraachałodžvańnia nie budzie.
Rovar — taksama možna, kali nie vandravać ź im u harach i nie pieraadolvać tysiačy kiłamietraŭ.
Druhoje — dla prastaty idealny rehularny seks, dva-try razy na tydzień.
Kali seksu niama, adbyvajecca zastoj i zapalenčy praces moža narastać navat biez bakteryj. Škodny taksama pierarvany pałavy akt, bo paśla arhazmu nie adbyvajecca poŭnaj razradki, niama poŭnaha adtoku kryvi. Toje, što zastajecca ŭ tazie, padtrymlivaje zapaleńnie.
Mienš siadzieć. Asabliva heta tyčycca ludziej siadziačych prafiesij, tamu što, znoŭ ža, adbyvajecca zastoj kryvi. U kiroŭcaŭ, prahramistaŭ amal va ŭsich jość zastojnyja źjavy ŭ małym tazie. Jak heta lečycca? Ruchami, pierapynkami ŭ pracy: paśla 45 chvilin siadzieńnia treba prajścisia, paprysiadać.
I jašče — admovicca ad ałkaholu, asabliva mocnaha, i vostraj ježy.
Čamu na prastatyt chvarejuć maładyja
Pryčyn niekalki. Pa-pieršaje, čym bolš u vas pałavych partnioraŭ, tym bolš chvarob. Va ŭsich roznaja mikrafłora, a heta značyć, što i roznyja chvaroby. Lubaja chvaroba va ŭretry, u kanale, moža raspaŭsiudzicca, padniacca ŭvierch i parazić prastatu.
Pa-druhoje, praź nierehularnaść pałavoha žyćcia. Voś hetaja niestabilnaść — to jość, to niama — vielmi škodzić prastacie. Joj nieabchodna albo rehularnaje pałavoje žyćcio, albo ŭvohule jaho adsutnaść. Čamu?
Kali mužčyna žyvie biez seksu, biez uzbudžeńnia, u hipofizie, zonie mozhu, idzie harmanalnaja rehulacyja. Sok prastaty pierastaje vypracoŭvacca ŭ kolkaści, nieabchodnaj dla čałavieka, jaki viadzie aktyŭnaje pałavoje žyćcio. I prastatyt nie raźvivajecca.
Čamu prastatyt siarod pažyłych staić asobna
Pakolki tut inšyja pryčyny: pačynajucca ŭzrostavyja źmianieńni, raście dobrajakasnaja puchlina ŭ prastacie — adenoma. Heta źviazana z harmanalnaj pierabudovaj, źmianieńniem uzroŭniu mužčynskaha pałavoha harmonu — testasteronu. Mienavita tamu ŭ mužčyn paśla 50—55 hadoŭ nielha havaryć pra čysty prastatyt, pra chvarobu jak pra zapaleńnie. U hetym vypadku adenoma prastaty jak praviła spałučajecca z prastatytam.
Mužčynam va ŭzroście budzie nie lišnim raz na hod zdavać kroŭ ź vieny na PSA — vyznačyć kolkaść prastata śpiecyfičnaha antyhienu. Analiz pakaža, jaki stan prastaty ŭ płanie ankałohii. Heta robicca dla taho, kab nie prapuścić raźvićcio złajakasnaj puchliny, — padsumoŭvaje doktar.
A što jašče treba viedać
Dla zdaroŭja prastaty varta nie tolki vieści zdarovy ład žyćcia, ale i pamiatać pra pravilnaje charčavańnie z usimi nieabchodnymi vitaminami i mikraelemientami.
Alej nasieńnia harbuzoŭ bahaty na mikraelemienty (Zn, Fe, Mg, Se), utrymlivaje vitaminy i fłavanoidy. U vyniku narmalizujecca stan prastaty, źmianšajecca aciočnaść i zapaleńnie.
Mikraelemient cynk (Zn) u mužčynskim arhaniźmie adyhryvaje važnuju rolu ŭ pracy prastaty i va ŭtvareńni mužčynskaha pałavoha harmonu — testasteronu. Čempijon siarod praduktaŭ z vysokim utrymańniem cynku — vustrycy, ale jany biełarusam niedastupnyja, bo my daloka ad mora. Ale bahata hetaha mikraelemientu taksama ŭ harbuzovych siemačkach, kiedravych arechach i kunžucie.
Fitasteroły stanoŭča ŭpłyvajuć na sintez testasteronu i narmalizujuć pracu repraduktyŭnaj sistemy mužčyn. Šmat fitasterołaŭ u alei nasieńnia harbuzoŭ, ekstraktach palmy sabal i krapivy dvudomnaj.
Antyaksidanty (kompleks vitaminaŭ A + Je + S, ekstrakt kaktusa apuncyja, tamaty, čornaja parečka, płady cytrusavych) zapavolvajuć stareńnie kletak i dapamahajuć arhanizmu spraŭlacca z aksidatyŭnym stresam.
Hetyja vitaminy i mikraelemienty ŭtrymlivajucca ŭ śpiecyjalna raspracavanych kompleksach dla ŭmacavańnia prastaty.
Karysnyja zvyčki ŭ charčavańni i pravilny rytm žyćcia dapamohuć padtrymlivać badzioraść i repraduktyŭnaje daŭhalećcie mnohija hady.
STAA «Farmłend», UPP 101431475
Materyjał publikujecca na pravach rekłamy
Kamientary