Navukoŭcy zafiksavali tajamničyja hravitacyjnyja chvali, jakija Ejnštejn pradkazaŭ 100 hod tamu
Kałabaracyja Advanced LIGO zmahła zafiksavać sihnał hravitacyjnych chvalaŭ akustyčnaha dyjapazonu. Chvali źjavilisia paśla źlivańnia dźviuch čornych dzirak masaj kala 29 i 36 mas Sonca. Pavodle dadzienych navukoŭcaŭ źlivańnie adbyłosia 1,3 miljarda hadoŭ tamu. Pry hetym była vydzielena enierhija, ekvivalentnaja trom masam Sonca.
«My złavili hravitacyjnyja chvali, my zrabili heta», — zajaviŭ na pres-kanfierencyi ŭ Vašynhtonie pradstaŭnik Advanced LIGO.
Sihnał byŭ zafiksavany jašče pieršaha vieraśnia, ale šmat času pajšło na analiz. Sihnał złavili abodva łaziernyja interfieromietry pobač ź Livinhstonam u štacie Łuiziana i Chenfordam u Vašynhtonie.
Hravitacyjnyja chvali — pramoje śledstva ŭraŭnieńniaŭ ahulnaj teoryi adnosnaści, prapanavanych Albiertam Ejnštejnam ŭ 1915 hodzie. U adroźnieńnie ad elektramahnitnych chvalaŭ — śviatła — intensiŭnaść hravitacyjnych chvalaŭ na šmat paradkaŭ mienš, tamu vyjavić ich udałosia tolki praz 100 hadoŭ z momantu pradkazańnia.
Jak hučyć źlićcio, možna pasłuchać tut:
-
Jon nahadvaje marskoha skata: amierykanski startap stvaryŭ samalot biez zvykłych kryłaŭ i iluminataraŭ, jaki moža stać novaj staronkaj u avijacyi
-
Asteroid, jaki źniščyŭ dynazaŭraŭ, moh vyklikać pažary pa ŭsioj płaniecie
-
Jak śpiakota padčas ciažarnaści i ŭ pieršyja miesiacy žyćcia moža ŭpłyvać na raźvićcio mozhu dziciaci
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy23
Kamientary