Jarasłaŭ Čarnahor pavinšavaŭ biełarusaŭ z hadavinaj pieramohi pad Oršaj
8 vieraśnia prosta padčas aficyjnaha bryfinhu Ministerstva zamiežnych spraŭ Ukrainy pasoł pa asablivych daručeńniach Jarasłaŭ Čarnahor, jaki adkazvaje za kantakty ź biełaruskimi demakratyčnymi siłami, publična pavinšavaŭ biełarusaŭ z 512‑j hadavinaj Bitvy pad Oršaj.
Jarasłaŭ Čarnahor na bryfinhu
Jarasłaŭ Čarnahor nahadaŭ, što 8 vieraśnia 1514 hoda vojska Vialikaha Kniastva Litoŭskaha i Polskaha Karaleŭstva pad kamandavańniem kniazia Kanstancina Astrožskaha razhramiła maskoŭskaje vojska.
«Hetaja bitva źjaŭlajecca častkaj supolnaj histaryčnaj spadčyny Ukrainy, Biełarusi, Litvy i Polščy», — padkreśliŭ Čarnahor.
Jon taksama adznačyŭ, što hałoŭny ŭrok Oršy zastajecca aktualnym i praź piać stahodździaŭ: supraćstajać maskoŭskaj ekspansii našym narodam najlepš udavałasia tady, kali jany abjadnoŭvali svaje siły.
Čytajcie taksama:
Pasoł Ukrainy pa pytańniach Biełarusi: Kijeŭ moža sustrecca z Łukašenkam, kali heta ŭratuje žyćci
Pasoł Ukrainy pa pytańniach Biełarusi: Pazicyja Cichanoŭskaj dakładna nie pacyfisckaja