Padvodnyja archieołahi znajšli ŭ Sieńnienskim rajonie artefakty III tysiačahodździa da našaj ery
Śpiecyjalnaja navukova-daśledčaja hrupa padvodnaj archieałohii Instytuta historyi Nacyjanalnaj akademii navuk Biełarusi pačała palavyja daśledavańni ŭ Sieńnienskim rajonie. Archieołahi vyvučajuć padvodnyja kulturnyja napłastavańni na tarfianikavym pasieliščy poźniaha niealitu Kryvina-3, piša BiełTA.
Fota: Instytut historyi NANB
U ekśpiedycyi ŭdzielničajuć supracoŭniki adździełaŭ archieałohii pieršabytnaha hramadstva, Siaredniaviečča i Novaha času. Ich zadača — daśledavać staražytnaje pasielišča, značnaja častka jakoha ciapier znachodzicca pad vadoj.
Niahledziačy na niaprostyja ŭmovy nadvorja, raboty iduć u adpaviednaści z płanam. Užo ŭ pieršyja dni daśledavańniaŭ archieołaham udałosia zrabić niekalki cikavych znachodak. Siarod ich — frahmienty kieramičnaha posudu, vuška kaścianoj padvieski, a taksama kostki žyvioł i ryb.
Fota: Instytut historyi NANB
Pavodle papiaredniaj acenki śpiecyjalistaŭ, usie vyjaŭlenyja artefakty adnosiacca da druhoj pałovy III tysiačahodździa da našaj ery. Hetyja znachodki mohuć dapamahčy navukoŭcam lepš zrazumieć pobyt, haspadarku i materyjalnuju kulturu ludziej, jakija žyli na terytoryi sučasnaj Biełarusi ŭ epochu poźniaha niealitu.
Čytajcie taksama:
Na haradziščy pad Kareličami znajšli reštki abarončaj ściany XVI stahodździa
U Vilejskim rajonie adkapali ślady ŭzbrojenaha kanfliktu siaredziny I tysiačahodździa