U Minzdaroŭja raskazali pra stan paciarpiełych ad udaru drona ŭ Branskaj vobłaści
U dziaciej stanoŭčaja dynamika.
Ministerstva achovy zdaroŭja prainfarmała pra stan paciarpiełych u Branskaj vobłaści.
Dzieci ŭ RNPC dziciačaj chirurhii — stabilnyja, sa stanoŭčaj dynamikaj. Dzicia, praapieravanaje 19 červienia, — u reanimacyi, stan zdavalniajučy. Darosły pacyjent pieraviedzieny z reanimacyi ŭ adździaleńnie, stan stabilny, paviedamiła viedamstva.
Usim paciarpiełym akazvajecca vysokatechnałahičnaja miedycynskaja dapamoha ŭ poŭnym abjomie. Situacyja znachodzicca na kantroli Ministerstva achovy zdaroŭja.
U sieradu, 17 červienia, u Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.
U čaćvier i piatnicu ŭsich paciarpiełych dastavili ŭ Biełaruś.