Aleś Bialacki sustreŭsia z Radasłavam Sikorskim
8 červienia biełaruski pravaabaronca, były palitviazień i łaŭreat Nobieleŭskaj premii miru Aleś Bialacki sustreŭsia ŭ Varšavie ź ministram zamiežnych spraŭ Polščy Radasłavam Sikorskim.
Aleś Bialacki i Radasłaŭ Sikorski. Fota: MZS Polščy
Jak paviedamlaje pres-słužba polskaha Ministerstva zamiežnych spraŭ, padčas sustrečy abmiarkoŭvałasia dziejnaść pravaabarončaha centra «Viasna», zasnavalnikam jakoha źjaŭlajecca Bialacki.
Sikorski vitaŭ niadaŭniuju rehistracyju ŭ Polščy Fondu Alesia Bialackaha, jaki budzie zajmacca abaronaj i prasoŭvańniem pravoŭ čałavieka. Taksama jon padziakavaŭ pravaabaroncu za ŭdzieł u Forumie Kaściuški, što adbyŭsia tydzień tamu ŭ Hdańsku pry supracoŭnictvie Ministerstva zamiežnych spraŭ Polščy i Jeŭrapiejskaha centra salidarnaści.
«My ŭ Polščy ŭražanyja vašaj niazłomnaj pazicyjaj i ścipłaściu, a pierš za ŭsio hłyboka ŭdziačnyja za paśladoŭnaść u baraćbie za pravy čałavieka. My z pryznańniem zaŭvažajem vašu niezaležnaść i zasiarodžanaść na abaronie hramadzianskich svabod», — adznačyŭ padčas razmovy Sikorski.
Aleś Bialacki byŭ vyzvaleny z kałonii ŭ Biełarusi paśla bolš čym čatyroch hadoŭ źniavoleńnia ŭ śniežni 2025 hoda. Paśla vyzvaleńnia jaho prymusova vysłali ŭ Litvu. Nobieleŭskaja premija miru jamu była prysudžanaja ŭ 2022 hodzie.
Čytajcie taksama:
Bialacki raskazaŭ, pra što razmaŭlaŭ na sustrečy z Papam Lvom XIV