Uładalniki «Biełviesta», adchilenyja ad kiravańnia im, stvaryli ŭ Rasii novuju kampaniju
Jak źviarnuŭ uvahu partał «Biełorusy i rynok», rasijskija ŭładalniki «Biełviesta», ad kiravańnia jakim jany adchilenyja, stvaryli novuju jurydyčnuju asobu ŭ Maskvie — «BV «Styl».
Juryj Sumaniejeŭ. Fota: «Biełta»
Kampanija zarehistravanaja ŭ śniežni minułaha hoda rezidentam Rasii «IPK Inviestpram», jaki naležyć Juryju Sumaniejevu i Dźmitryju Hancovu. Vid dziejnaści novaha biznesu — aptovy handal adzieńniem i abutkam.
Praz «IPK Inviestpram» Sumaniejeŭ i Hancoŭ vałodajuć, u pryvatnaści, dolami ŭ viciebskaj fabrycy «Biełviest» (45%) i maskoŭskim dystrybjutary HD «Biełviest» (60%). Praź inšyja struktury ich dola ŭ hetych biznesach składaje 100%.
Ale ciapier jany nie kirujuć imi. U kancy minułaha hoda pa zajavie samoha «Biełviesta» Ekanamičny sud Viciebskaj vobłaści pačaŭ konkursnuju vytvorčaść na adnoj z najbujniejšych u Biełarusi abutkovych vytvorčaściaŭ.
A ŭ studzieni hetaha hoda na try hady — da 15 studzienia 2029‑ha — pryznačyŭ na «Biełvieście» sanacyjny pieryjad.
Čytajcie taksama:
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
Sud raspačaŭ spravu ab ekanamičnaj niepłaciežazdolnaści «Biełviesta»
U abutkovaj kampanii «Biełviest» miljonnyja daŭhi i pytańnie zachavańnia pradpryjemstva