Z nadychodam zimy łasi vychodziać na aŭtatrasy, kab palizać sol VIDEA

Na trasie R28 «Minsk — Maładziečna — Narač» kiroŭcy rehularna zaŭvažajuć łasioŭ, jakija vychodziać na darohu i ablizvajuć sol, što zastałasia na asfalcie paśla zimovaj apracoŭki. Videa z žyviołami apublikavaŭ u tyktoku adzin z aŭtamabilistaŭ, zaŭvažyła BGMedia.

Skrynšot ź videa

Ludzi chvalujucca, bo takija pavodziny žyvioł pavyšajuć ryzyku avaryj.

U kamientarach pad videa karystalniki abmiarkoŭvajuć, čamu łasi vychodziać na darohu i krytykujuć leśnikoŭ za toje, što prablema nie kantralujecca. Inšyja adznačajuć, što pryčyna nie tolki ŭ soli, ale i ŭ niedachopie achoŭnych aharodžaŭ uzdoŭž tras: zamiest ich paŭsiul staviać tolki kamiery.

@rogivil

♬ orihinalnyj zvuk - ,rogivil

Ludzi pišuć, što padobnaja situacyja nazirajecca i na inšych darohach, asabliva ŭ Brasłaŭskim rajonie, dzie žyvioły nibyta traplajucca, i ŭ niemałoj kolkaści, litaralna štodnia. 

Pavodle statystyki, kolkaść DTZ z udziełam łasioŭ u Biełarusi sapraŭdy mocna vyrasła i ciapier pieravyšaje avaryjnaść ź inšymi vidami žyviołaŭ. Ekołahi tłumačać heta šumam lesanarychtoŭčaj techniki, masavymi vysiečkami lesaŭ, rostam papulacyi łosiaŭ i mihracyjaj maładych asobin. Ciapier da inšych prablem dadajecca i darožnaja sol, jakaja pryvablivaje kapytnych na trasu.

Kamientary da artykuła