U Biełarusi pradajuć retraaŭtamabil amal za 10 miljonaŭ dalaraŭ

Na papularnaj biełaruskaj internet-placoŭcy pa prodažy aŭtamabilaŭ av.by źjaviŭsia vielmi redki retraaŭtamabil — Hispano-Suiza K6 1935 hoda vypusku. Takija mašyny vypuskalisia ŭ pieryjad z 1934 pa 1937 hod, piša Tochka.by.

Fota: av.by

Aŭtamabil maje ruchavik 5,2 ł, zadni pryvad i maksimalnuju chutkaść 145 km/h. Kali mierkavać pa fatahrafijach, za 90 hadoŭ jon dobra zachavaŭsia. Na mašynie stajać maskoŭskija numary, i raniej jaje sprabavali pradać u Rasii.

Fota: av.by

Cana na jaho, darečy, za hod uzrasła bolš čym udvaja — u 2024 hodzie aŭtamabil chacieli pradać za $4,9 miljona, a jašče niekalki dzion tamu — za $9,5 miljona. Prabieh taksama paznačany pa-roznamu: u rasijskaj abjavie — 45 tysiač kiłamietraŭ, u biełaruskaj — 225 tysiač.

Foto: av.by

U svoj čas było vypuščana ŭsiaho 202 takija ekzemplary, tamu heta adzin z samych redkich i darahich aŭtamabilaŭ na rynku. Tym nie mienš, ekśpierty adznačajuć, što realny košt padobnaha retraaŭtamabila na aŭkcyjonie składaje prykładna $2 miljony, tamu prapanavanaja suma vyhladaje zanadta vysokaj.

Kamientary da artykuła