У Беларусі прадаюць рэтрааўтамабіль амаль за 10 мільёнаў даляраў

На папулярнай беларускай інтэрнэт-пляцоўцы па продажы аўтамабіляў av.by з’явіўся вельмі рэдкі рэтрааўтамабіль — Hispano-Suiza К6 1935 года выпуску. Такія машыны выпускаліся ў перыяд з 1934 па 1937 год, піша Tochka.by.

Фота: av.by

Аўтамабіль мае рухавік 5,2 л, задні прывад і максімальную хуткасць 145 км/г. Калі меркаваць па фатаграфіях, за 90 гадоў ён добра захаваўся. На машыне стаяць маскоўскія нумары, і раней яе спрабавалі прадаць у Расіі.

Фота: av.by

Цана на яго, дарэчы, за год узрасла больш чым удвая — у 2024 годзе аўтамабіль хацелі прадаць за $4,9 мільёна, а яшчэ некалькі дзён таму — за $9,5 мільёна. Прабег таксама пазначаны па-рознаму: у расійскай аб’яве — 45 тысяч кіламетраў, у беларускай — 225 тысяч.

Фото: av.by

У свой час было выпушчана ўсяго 202 такія экзэмпляры, таму гэта адзін з самых рэдкіх і дарагіх аўтамабіляў на рынку. Тым не менш, эксперты адзначаюць, што рэальны кошт падобнага рэтрааўтамабіля на аўкцыёне складае прыкладна $2 мільёны, таму прапанаваная сума выглядае занадта высокай.

Каментары да артыкула