U Kaardynacyjnaj radzie vyśvietlili, što Karpušonak z sakavika stała padazrona cikavicca, čym KR zajmajecca
Sakrataryjat Kaardynacyjnaj rady pravioŭ aŭdyt aktyŭnaści delehatki Volhi Karpušonak na ahulnym fajłaschoviščy dla delehataŭ Kaardynacyjnaj rady i vyśvietliŭ, što ŭ apošnija miesiacy jana raptam zacikaviłasia dakumientami hetaj struktury, choć raniej była da ich abyjakavaja.
Volha Karpušonak. Fota ź jaje sacsietak
U pieryjad z sakavika pa žnivień 2025 hoda Volha Karpušonak spampavała bolš za 70 pracoŭnych dakumientaŭ Kaardynacyjnaj rady. Takaja aktyŭnaść nietypovaja, bo da taho času Volha nie spampavała nivodnaha dakumientu, a paśla sakavika brała ŭsio, što ŭ fajłaschoviščy źjaŭlałasia.
Padkreślivajecca, što spampavanyja Karpušonak dakumienty dasiažnyja dla ŭsich delehataŭ KR i nie źmiaščajuć niejkich sakretnych danych.
Ciapier dostup Volhi Karpušonak da resursaŭ KR časova abmiežavany da ŭdakładnieńnia situacyi ź joj.
30 žniŭnia delehatka Kaardynacyjnaj rady i pradstaŭnica ad demakratyčnaj Biełarusi ŭ Parłamienckaj asamblem Rady Jeŭropy Volha Karpušonak na svajoj staroncy ŭ fejsbuku abvinavaciła Paŭła Łatušku ŭ seksualnych damahańniach.
Pavieł Łatuška adchiliŭ hetyja abvinavačvańni. Ataku ž z boku Karpušonak jon ličyć vynikam dziejnaści śpiecsłužbaŭ režymu Łukašenki.
Paśla taho nieŭzabavie vyśvietliłasia, što Karpušonak pierabrałasia z Polščy spačatku ŭ Ispaniju, a paśla ŭ Braziliju.
Čytajcie taksama:
Karpušonak pryznała, što pieramahčy Łatušku ŭ samoj saboj zadadzienym farmacie joj nie pa siłach
Volha Karpušonak dajšła ŭ svaich skarhach da Parłamienckaj asamblei Rady Jeŭropy
Łatuška: Zajava Karpušonak u palicyju Ispanii — poŭny pravavy absurd
Volha Karpušonak znachodzicca ŭ Rya-de-Žanejra?
Karpušonak apublikavała tekst svajoj zajavy na Łatušku ŭ ispanskuju prakuraturu