Prapahandysty zajavili pra zatrymańnie ŭ Lepieli «polskaha špijona»
Dziaržaŭnyja ŚMI paviedamili, što ŭ Lepieli zatrymali čałavieka, jakoha nazvali «polskim špijonam».
Skrynšot ź videa
Pavodle aficyjnaj viersii, u zatrymanaha znajšli «sakretnyja dakumienty», a dziejničaŭ jon nibyta razam z «zdradnikam Radzimy».
Na karotkim videa bačnyja raskładzienyja na stale brašury ordena karmielitaŭ, ružaniec, maniety, pašpart, bankaŭskaja karta i polski studencki bilet; miarkujučy pa ŭsim, fatahrafii, a taksama čatyry nievialikija skrynački, pobač ź jakimi lažyć niešta padobnaje na aptečnyja testy.
Zatrymańnie pravodzili supracoŭniki biełaruskaj kontrraźviedki. Inšyja padrabiaznaści kryminalnaj spravy abiacajuć raskryć paźniej.
Čytajcie taksama:
KDB vyklikaje biełarusaŭ, jakija pryjazdžajuć dadomu z-za miažy, na razmovy pra dziaržaŭnuju zdradu
Jašče adnaho biełarusa zatrymali ŭ Polščy z-za pracy na zamiežnuju raźviedku