Прапагандысты заявілі пра затрыманне ў Лепелі «польскага шпіёна»
Дзяржаўныя СМІ паведамілі, што ў Лепелі затрымалі чалавека, якога назвалі «польскім шпіёнам».
Скрыншот з відэа
Паводле афіцыйнай версіі, у затрыманага знайшлі «сакрэтныя дакументы», а дзейнічаў ён нібыта разам з «здраднікам Радзімы».
На кароткім відэа бачныя раскладзеныя на стале брашуры ордэна кармелітаў, ружанец, манеты, пашпарт, банкаўская карта і польскі студэнцкі білет; мяркуючы па ўсім, фатаграфіі, а таксама чатыры невялікія скрыначкі, побач з якімі ляжыць нешта падобнае на аптэчныя тэсты.
Затрыманне праводзілі супрацоўнікі беларускай контрразведкі. Іншыя падрабязнасці крымінальнай справы абяцаюць раскрыць пазней.
Чытайце таксама:
КДБ выклікае беларусаў, якія прыязджаюць дадому з-за мяжы, на размовы пра дзяржаўную здраду
Яшчэ аднаго беларуса затрымалі ў Польшчы з-за працы на замежную разведку