Paŭłu Łatušku prysłali biełaruskamoŭny list z zapałochvańniami i paradami, što rabić
Pavieł Łatuška, namieśnik kiraŭnika Abjadnanaha pierachodnaha kabinieta i kiraŭnik Narodnaha antykryzisnaha ŭpraŭleńnia, atrymaŭ čarhovaje paviedamleńnie z zapałochvańniami na elektronnuju poštu.
U liście palityka papiaredžvajuć pra «ekziekucyju», mahčymy zamach i «likvidacyju». Aŭtar paviedamleńnia prapanuje jamu terminova pakinuć Polšču i pierajechać u «bolš biaśpiečnuju krainu».
«Nastupnaja knopka, jakuju naciśnie Łukašenka, budzie «likvidacyja». Što heta budzie — skazać ciažka. Moža być, jakoje-niebudź DTZ, ale jakim-niebudź kavidam taksama dahetul možna zarazicca, i nakolki ja viedaju, padčas piku epidemii KDB pad hetuju marku źlikvidavaŭ peŭnuju kolkaść vorahaŭ režymu», — piša Łatušku niechta pa-biełarusku.
Łatuška zajaviŭ, što metaj takich paviedamleńniaŭ źjaŭlajecca vyvieści jaho ź psichałahičnaj raŭnavahi i prymusić spynić baraćbu. Adnak padkreśliŭ, što takija sproby cisku na jaho nie ŭdalisia raniej i buduć marnyja nadalej.
Čytajcie taksama:
«Łatuška, ty ŭlip pa poŭnaj». Pavieł Łatuška raskazaŭ pra novy list z pahrozami
«Takoje ž pošłaje i durnoje». U Łatuški adkazali na novaje videa Volhi Karpušonak