Ivan Ejsmant: Kali Tramp skaža choć słova z patrabavańniem vyzvalić palitviaźniaŭ, nivodzin nie budzie vypuščany z turmy
Kiraŭnik Biełteleradyjokampanii Ivan Ejsmant adreahavaŭ na słovy Siarhieja Cichanoŭskaha, skazanyja im padčas pres-kanfierencyi 22 červienia ŭ Vilni, na druhi dzień paśla svajho vyzvaleńnia z turmy.
Ivan Ejsmant
Siarhiej Cichanoŭski padčas pres-kanfierencyi zajaviŭ, što prezident ZŠA Donald Tramp ciapier maje takuju siłu, što nibyta adnym słovam moža vyzvalić usich biełaruskich palitviaźniaŭ. Paśla čaho paprasiŭ Trampa skazać heta słova.
Ivan Ejsmant zajaviŭ, što słova Trampa kali i budzie mieć značeńnie, to advarotnaje:
«Kali Donald Tramp, va ŭłaścivaj jamu maniery, skaža choć adno słova z patrabavańniem vyzvaleńnia ŭsich tak zvanych «palityčnych źniavolenych», ja ŭpeŭnieny na 200% — nivodzin «palityčny źniavoleny» da zakančeńnia terminu nie budzie vypuščany ź biełaruskich turmaŭ. Efiekt [ad takoj hipatetyčnaj zajavy Trampa] budzie zusim advarotnym».
Čytajcie taksama:
Cichanoŭski na mitynhu ŭ Varšavie: Ja złamaju hety režym VIDEA