Novy typ viečarynak nabyvaje papularnaść u moładzi — udzień, z kavaj i biez ałkaholu

Šukalniki novych uražańniaŭ ciapier adpraŭlajucca na kavavyja rejvy, jakija pieratvarajuć kaviarni ŭ alternatyŭnyja placoŭki dla kancertaŭ.

Skryn videa: juliiaguk / Instagram

Morning coffee rave — heta novy farmat haradskich viečarynak, jakija prachodziać… ranicaj. Zamiest ałkaholu — kava i smuzi, zamiest ciomnaha kłuba — śvietłyja prastory, zamiest nočy — pačatak pracoŭnaha dnia.

Z čaho pačałosia

Ideja źjaviłasia kala 2013 hoda ŭ Łondanie, kali dvoje siabroŭ — Nika Temes (Nico Thoemmes) i Samanta Mojo (Samantha Moyo) — praviali pieršuju ćviarozuju ranišniuju viečarynu pad nazvaj Morning Gloryville. Jany chacieli stvaryć alternatyvu načnomu kłubnamu žyćciu, dzie možna było b tancavać i radavacca bieź nieabchodnaści pić ałkahol ci ŭžyvać narkotyki.

Heta padałosia niečym dziŭnym — ale papularnaść takoj formy rasła. Ideja razyšłasia pa śviecie: padobnyja iventy pačali pravodzicca ŭ Ńju-Jorku, Bierlinie, Tel-Avivie, Tokia, Deli.

@bohdanabezeha Morning club ️ Dobra 1, Warszawa #morningcoffeeclub ♬ original sound -

U apošnija hady morning raves viartajucca ŭžo z novaj nazvaj — coffee rave ci morning party, z bolšym akcentam na zdarovy ład žyćcia i spažyvańnie kavy. Miescami ich praviadzieńnia stanoviacca nie tolki kaviarni, ale i piakarni.

U čym asablivaść

1. Čas

Viečarynka (jaje lepš nazvać ranišnikam) pačynajecca a 6-8-j ranicy, časta ŭ budni dzień, i doŭžycca 2-3 hadziny. Paśla ludzi iduć na pracu abo vučobu, atrymlivajučy dozu enierhii praz tancy, muzyku i dobruju kavu. 

U vychodnyja dni takija iventy pačynajucca paźniej.

@bavrrr Thank you @Lucky Stride crew for the invite! ☕️ #rave #party #fyp #speedgarage #remix #dj #morning ♬ original sound - BAVR

2. Atmaśfiera

Nijakaha ałkaholu, tumanu i ciemry. Zvyčajna heta śvietłyja zały, z voknami i naturalnym aśviatleńniem, uśmieški zamiest kłubnaj «žorstkaści». Častka iventaŭ uklučaje johu, dychalnyja praktyki, majstar-kłasy abo nievialikija pierformansy.

3. Muzyka

Tancavalnaja i enierhietyčnaja — ad fank-chaŭsu i techna da dyska i afrabitu. Usio, što moža «raskačać» arhanizm bieź nieabchodnaści dadatkovych stymulataraŭ.

4. Kava i zdarovyja napoi

Barista-stancyja — centr pryciahnieńnia. Akramia kavy, možna vypić smuzi, kambuču, harbatu. Pitvo tut nie kab rassłabicca, a kab uźniać nastroj.

5. Aŭdytoryja

Maładyja prafiesijanały, tvorčyja ludzi, tyja, chto stamiŭsia ad kłasičnych viečarynak abo šukaje zdarovuju alternatyvu. Niekatoryja prychodziać ź dziećmi — heta časta siamiejnyja padziei.

@a.devyaten Utriennije viečierinki v Minskie !!! #minsk_belarus #minsk #coffeetime #minsk #coffeeclub ♬ orihinalnyj zvuk - a.devyaten

Čamu heta važna i cikava

U epochu zdarovaha ładu žyćcia i pošuku bałansu morning raves dajuć mahčymaść adčuć siabie ŭklučanym u žyćcio, ale biez ranišniaha pachmiella ci raźbitaści. Heta nie stolki viečarynka, kolki aktyŭny rytuał — svojeasablivy abrad uklučeńnia ŭ dzień. 

@a.allinaz Morning coffee club (morning coffee rave) — eto didžiej-siety, kotoryje ustraivajut v kofiejniach po vychodnym primierno v 12 utra. Otličnaja altiernativa dla tiech, kto nie posieŝajet nočnyje kłuby, priedpočitajet vysypaťsia i piť kofie na viečierinkach :) Na vidieo kofiejnia Gorky park v Minskie #morningcoffeeclub ♬ orihinalnyj zvuk - Alina

Moda na Morning coffee rave dajšła i da Biełarusi. Pieršym, chto prapanavaŭ taki farmat, stała kaviarnia «Kafe de Balzak» na Daŭhabrodskaj u Minsku. Chutka ideju padchapili i inšyja. Tak, praź niekalki tydniaŭ padobny ivent prajšoŭ u kaviarni ŭ parku Horkaha, kaviarni «404» na praśpiekcie Dziaržynskaha i hastrapiakarni «Siniaja ptuška» ŭ Rakaŭskim pradmieści. 

Posmotrieť etu publikaciju v Instagram

Publikacija ot Hastropiekarnia Siniaja Ptica (@ptichka.minsk)

Vyhladaje na toje, što z nabližeńniem leta Morning coffee rave zachopić stalicu i pieramiaścicca ŭ inšyja harady Biełarusi.

Kamientary da artykuła