Аднаўляюцца рэгулярныя палёты ў Мінск з Ізраіля
Ізраільская авіякампанія Arkia адкрыла продаж квіткоў на прамыя рэйсы ў Мінск, прамыя авіязносіны з якім былі перапыненыя вясной 2022 года, пасля пачатку шырокамаштабнай вайны ва Украіне.
Фота ілюстрацыйнае
Паведамляецца, што рэйсы будуць рабіцца двойчы на тыдзень, па панядзелках і пятніцах, пачынаючы з 2 лютага.
На гэты момант квіткі прадаюцца толькі на люты-сакавік, і не зразумела, ці будзе маршрут абслугоўвацца ў вяснова-летні сезон.
Час палёту складзе 3 гадзіны 45 хвілін на маршруце ў Беларусь і 3 гадзіны 30 хвілін у зваротным кірунку.
Кошт квіткоў — ад 240 даляраў у адным кірунку.
Камерцыйная дырэктарка Arkia Сапір Іфарган падкрэсліла, што запуск рэйса адпавядае планам кампаніі па пашырэнні сеткі палётаў на 2026 год і адлюстроўвае рост цікавасці пасажыраў да прамых пералётаў ва Усходнюю Еўропу.
Чытайце таксама:
Куды і за колькі можна паляцець з Мінска на Новы год
Круты расказаў, калі ў неба ўзляціць першы беларускі самалёт