Adnaŭlajucca rehularnyja paloty ŭ Minsk ź Izraila
Izrailskaja avijakampanija Arkia adkryła prodaž kvitkoŭ na pramyja rejsy ŭ Minsk, pramyja avijaznosiny ź jakim byli pierapynienyja viasnoj 2022 hoda, paśla pačatku šyrokamaštabnaj vajny va Ukrainie.
Fota ilustracyjnaje
Paviedamlajecca, što rejsy buduć rabicca dvojčy na tydzień, pa paniadziełkach i piatnicach, pačynajučy z 2 lutaha.
Na hety momant kvitki pradajucca tolki na luty-sakavik, i nie zrazumieła, ci budzie maršrut absłuhoŭvacca ŭ viasnova-letni siezon.
Čas palotu składzie 3 hadziny 45 chvilin na maršrucie ŭ Biełaruś i 3 hadziny 30 chvilin u zvarotnym kirunku.
Košt kvitkoŭ — ad 240 dalaraŭ u adnym kirunku.
Kamiercyjnaja dyrektarka Arkia Sapir Ifarhan padkreśliła, što zapusk rejsa adpaviadaje płanam kampanii pa pašyreńni sietki palotaŭ na 2026 hod i adlustroŭvaje rost cikavaści pasažyraŭ da pramych pieralotaŭ va Uschodniuju Jeŭropu.
Čytajcie taksama:
Kudy i za kolki možna palacieć ź Minska na Novy hod
Kruty raskazaŭ, kali ŭ nieba ŭźlacić pieršy biełaruski samalot