З-за закрыцця мяжы з Польшчай у Беларусі ўзнік дэфіцыт кветак
Беларускія гандляры маюць сур'ёзныя праблемы з пастаўкамі кветак праз закрыццё пагранпераходаў на польскай мяжы. Гэта можа адбіцца і на расійскім рынку, бо значная частка кветак да гэтага часу пастаўлялася ў Расію праз Беларусь.
Фота: vecteezy.com
Па даных РБК, у Беларусі ўжо ўзнік дэфіцыт некаторых кветак. Прытым, што ў краіне чакаецца рост попыту на кветкі да Дня настаўніка і Дня маці ў кастрычніку. Расійскія гандляры таксама пакуль працуюць на запасах, але яны хутка скончацца.
«Цяпер грузы перанакіроўваюцца праз Літву, але на мяжы ўтварыліся вялікія чэргі, што падаўжае тэрміны дастаўкі і падвышае кошт перавозкі», — кажуць у кампаніі Flowwow.
Польшча закрыла мяжу з Беларуссю ў ноч з 11 на 12 верасня ў сувязі з пачаткам расійска-беларускіх вучэнняў «Захад-2025», якія завяршыліся 16 верасня. Польскі бок паведаміў, што мяжу адкрыюць, калі палічаць гэта бяспечным.
Чытайце таксама:
У адказ на закрыццё Варшавай мяжы беларускія ўлады ўзялі ў закладнікі 1453 польскія фуры
«Простаму беларусу гэта няважна». Боты праводзяць чатыры розныя ўстаноўкі адносна закрыцця мяжы
Ці паўплывае Кітай на Лукашэнку, каб польская мяжа адкрылася?
Бізнэс не ведае, як зараз даставіць тавары з Еўрасаюза ў Беларусь. Цэны на дастаўку шакуюць