Z-za zakryćcia miažy z Polščaj u Biełarusi ŭźnik deficyt kvietak
Biełaruskija handlary majuć surjoznyja prablemy z pastaŭkami kvietak praz zakryćcio pahranpierachodaŭ na polskaj miažy. Heta moža adbicca i na rasijskim rynku, bo značnaja častka kvietak da hetaha času pastaŭlałasia ŭ Rasiju praź Biełaruś.
Fota: vecteezy.com
Pa danych RBK, u Biełarusi ŭžo ŭźnik deficyt niekatorych kvietak. Prytym, što ŭ krainie čakajecca rost popytu na kvietki da Dnia nastaŭnika i Dnia maci ŭ kastryčniku. Rasijskija handlary taksama pakul pracujuć na zapasach, ale jany chutka skončacca.
«Ciapier hruzy pieranakiroŭvajucca praź Litvu, ale na miažy ŭtvarylisia vialikija čerhi, što padaŭžaje terminy dastaŭki i padvyšaje košt pieravozki», — kažuć u kampanii Flowwow.
Polšča zakryła miažu ź Biełaruśsiu ŭ noč z 11 na 12 vieraśnia ŭ suviazi z pačatkam rasijska-biełaruskich vučeńniaŭ «Zachad-2025», jakija zaviaršylisia 16 vieraśnia. Polski bok paviedamiŭ, što miažu adkryjuć, kali paličać heta biaśpiečnym.
Čytajcie taksama:
U adkaz na zakryćcio Varšavaj miažy biełaruskija ŭłady ŭziali ŭ zakładniki 1453 polskija fury
«Prostamu biełarusu heta niavažna». Boty pravodziać čatyry roznyja ŭstanoŭki adnosna zakryćcia miažy
Ci paŭpłyvaje Kitaj na Łukašenku, kab polskaja miaža adkryłasia?
Biznes nie viedaje, jak zaraz dastavić tavary ź Jeŭrasajuza ŭ Biełaruś. Ceny na dastaŭku šakujuć
Polšča nie adkryje miažu i paśla skančeńnia vučeńniaŭ «Zachad»