Славакія хоча прыняць у сябе чэмпіянат, праблема з якім узнікла з-за Беларусі
Чэмпіянат Еўропы па футзале 2026 года можа прайсці ў Славакіі. Славацкая федэрацыя футболу паведаміла пра тое, што падала дакументы на права правесці турнір, піша «Трыбуна».
Зборная Беларусі па футзале
УЕФА павінен прыняць канчатковае рашэнне не пазней за 3 ліпеня. На гэтую дату запланавана лёсаванне стыкавых матчаў.
Праблема ўзнікла з-за таго, што чэмпіянат павінны былі прыняць Літва і Латвія, а на яго прабілася зборная Беларусі. У той жа час абедзве гэтыя балтыйскія краіны пасля развязвання Расіяй поўнамаштабнай вайны супраць Украіны ў лютым 2022 года пры дапамозе рэжыму Лукашэнкі пранцыпова адмаўляюцца прымаць на сваёй тэрыторыі любыя беларускія спартыўныя каманды.
Раней паведамлялася, што на правядзенне турніра прэтэндуюць Францыя і Казахстан.
Чэмпіянат Еўропы пройдзе з 20 студзеня да 7 лютага 2026 года.
Чытайце таксама:
Чэмпіянат Еўропы па футзале праз Беларусь могуць перанесці ў Казахстан
Літва будзе дамагацца нядопуску зборнай Беларусі да ўдзелу ў чэмпіянаце Еўропы па футзале
Кіраўнік Латвійскай федэрацыі футбола: мы не можам арганізаваць турнір з удзелам Беларусі
Зборную Беларусі па футзале могуць не пусціць на чэмпіянат Еўропы ў Літву і Латвію
У Фінляндыі прынцыпова не будуць паказваць матч сваёй зборнай са зборнай Беларусі