Słavakija choča pryniać u siabie čempijanat, prablema ź jakim uźnikła z-za Biełarusi
Čempijanat Jeŭropy pa futzale 2026 hoda moža prajści ŭ Słavakii. Słavackaja fiederacyja futbołu paviedamiła pra toje, što padała dakumienty na prava pravieści turnir, piša «Trybuna».
Zbornaja Biełarusi pa futzale
UEFA pavinien pryniać kančatkovaje rašeńnie nie paźniej za 3 lipienia. Na hetuju datu zapłanavana losavańnie stykavych matčaŭ.
Prablema ŭźnikła z-za taho, što čempijanat pavinny byli pryniać Litva i Łatvija, a na jaho prabiłasia zbornaja Biełarusi. U toj ža čas abiedźvie hetyja bałtyjskija krainy paśla raźviazvańnia Rasijaj poŭnamaštabnaj vajny suprać Ukrainy ŭ lutym 2022 hoda pry dapamozie režymu Łukašenki prancypova admaŭlajucca prymać na svajoj terytoryi lubyja biełaruskija spartyŭnyja kamandy.
Raniej paviedamlałasia, što na praviadzieńnie turnira pretendujuć Francyja i Kazachstan.
Čempijanat Jeŭropy projdzie z 20 studzienia da 7 lutaha 2026 hoda.
Čytajcie taksama:
Čempijanat Jeŭropy pa futzale praź Biełaruś mohuć pieranieści ŭ Kazachstan
Litva budzie damahacca niadopusku zbornaj Biełarusi da ŭdziełu ŭ čempijanacie Jeŭropy pa futzale
Kiraŭnik Łatvijskaj fiederacyi futboła: my nie možam arhanizavać turnir z udziełam Biełarusi
Zbornuju Biełarusi pa futzale mohuć nie puścić na čempijanat Jeŭropy ŭ Litvu i Łatviju
U Finlandyi pryncypova nie buduć pakazvać matč svajoj zbornaj sa zbornaj Biełarusi