Пра гэта Крысталіна Георгіева расказала 24 лютага на дэбатах у Еўрапарламенце па сітуацыі ў Беларусі.
На разглядзе вярхоўнага прадстаўніка Еўразвяза па знешніх сувязях Кэтрын Эштан знаходзіцца сумесны прамежкавы план падтрымкі рэформаў у Беларусі, падрыхтаваны Еўракамісіяй на запыт Рады ЕС. Пра гэта паведаміла еўракамісарка па міжнародным супрацоўніцтве і гуманітарнай дапамозе Крысталіна Георгіева, выступаючы 24 лютага на дэбатах у Еўрапарламенце па сітуацыі ў Беларусі.
Паводле яе словаў, Эштан таксама ўлічыць высновы місіі парламента ЕС, якая наведае Менск 25-27 лютага.
Георгіева таксама заявіла, што ЕС працягне дыялог з Беларуссю — не толькі з уладамі, але і грамадзянскай супольнасцю праз студэнцкі і культурніцкі абмен і развіццё бізнэс-кантактаў.
Крысціян Вігенін, баўгарскі дэпутат, кіраўнік дэлегацыі Еўрапарламента ў Еўранэсце, у сваім выступе назваў «непрымальнай» сітуацыю з парушэннем у Беларусі правоў чалавека, у прыватнасці, правоў нацыянальных меншасцяў.
Па словах Вігеніна, палітыка збліжэння, якую ЕС распачаў у дачыненні да Беларусі, недастаткова выніковая. «Структуры ЕС — Рада, Камісія і парламент — павінны распрацаваць агульную стратэгію, каб дапаўняць высілкі кожнага; нам патрэбная дарожная карта, не рэкамендацыі, а план дзеянняў для падтрымкі рэформаў», — заявіў баўгарскі дэпутат.
На думку польскіх дэпутатаў, ЕС неабходна ўвязаць эканамічную дапамогу з дэмакратычнымі пераўтварэннямі ў Беларусі, больш за тое, ЕС павінен задзейнічаць усе магчымыя інструманты, каб правы чалавека ў краіне выконваліся.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў2
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары