Віцебскія лукашысты сталі запісваць відэа з анімаванымі персанажамі
«Віцебская вясна» заўважыла, што ў адным з мясцовых тэлеграм-каналаў, звязаных з лукашэнкаўскімі сілавікамі, з'явілася відэа з затрыманымі па палітычных матывах беларусамі ў вельмі дзіўным фармаце: замест твараў затрыманых, якія распавядаюць пра тое, як яны нібыта парушылі заканадаўства, глядач бачыць анімаваныя выявы.
У відэароліку працягласцю паўтары хвіліны запісаны галасы шасці затрыманых: пяці мужчын і адной жанчыны. Відэа змантавана такім чынам, што анімаваныя персанажы нібыта робяць свае прызнанні на фоне кратаў.
Таксама ролік суправаджаецца здзеклівым тэкстам пра «разносчыкаў экстрэмісцкай заразы», якія сталі ўдзельнікамі «розыгрышу пуцёвак і незабыўных падарожжаў у ІЧУ».
Каментары