Расія апавясціла Украіну праз Беларусь аб прадаўжэнні збожжавай угоды
Марыя Захарава суправадзіла інфармацыю пра гэта нараканнем на недасканаласць сучаснага свету.
Украінскі бок праз Беларусь быў апавешчаны аб працягу «збожжавай угоды» на 60 дзён, заявіла ў суботу афіцыйная прадстаўніца Міністэрства замежных спраў Расіі Марыя Захарава.
«У свеце, дзе мужчыны абвяшчаюцца жанчынамі, а малдаўская мова — румынскай, можна, вядома, і дакументы не здолець прачытаць. Але ўсё ж украінскі бок праз беларускіх калег быў апавешчаны аб 60 днях, як і турэцкі, а таксама Генеральны сакратар ААН», — напісала Захарава ў сваім тэлеграм-канале.
Раней у Турцыі абвясцілі, што ўгода прадоўжаная на 120 дзён, але Масква настойвае, што пагадзілася толькі на 60 дзён. Нюанс сітуацыі ў тым, што пасля вызвалення Украінай вострава Змяіны Расія больш не кантралюе заходнюю частку Чорнага мора, а значыць, і не можа перашкодзіць руху канвояў з Адэсы.
Кіеў патрабуе распаўсюджання ўгоды на парты Мікалаеўскай вобласці, Масква не пагаджаецца. Аднак такая магчымасць з'явіцца аўтаматычна ў выпадку вызвалення Кінбурнскай пярэспы.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары