КДБ: Па падазрэнні ў шпіянажы затрыманы грамадзянін Польшчы, які пастаянна жыве ў Гродне
Па падазрэнні ў шпіянажы затрыманы грамадзянін Польшчы, які пастаянна пражывае ў Гродне, паведамляе БЕЛТА. Польскія дыпламаты, паводле КДБ, спрабавалі перашкодзіць «правядзенню працэсуальных дзеянняў».
«25 сакавіка ў Гродне па падазрэнні ў шпіянажы на карысць Рэспублікі Польшча затрыманы грамадзянін Польшчы, які пастаянна жыве ў Гродне, ‒ расказалі ў КДБ. ‒ Падчас правядзення неадкладных следчых дзеянняў па месцы жыхарства фігуранта генеральны консул Польшчы ў Гродне Анджэй Рачкоўскі і консул польскага генконсульства Марцін Хрустэль у парушэнне беларускага заканадаўства спрабавалі перашкодзіць правядзенню працэсуальных дзеянняў».
Па факце неправамерных дзеянняў польскіх дыпламатаў праінфармаваны МЗС Беларусі.
Сёння была пераведзена на хатні арышт кіраўнічка Саюза палякаў Анжаліка Борыс. Юрый Васкрасенкі, якому даручана ўладамі камунікацыя наконт памілавання палітвязняў, назваў вызваленне Борыс «міласэрным» рашэннем Лукашэнкі,
пасля якога беларускі бок спадзяецца пачаць нармалізацыю адносін польскага і беларускага бакоў.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў2
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары