Мы ўжо з вамі дзяліліся некаторымі парадамі на тэму, як больш свядома ставіцца да гатавання ежы, каб паменшыць харчовыя адкіды і іх негатыўны ўплыў. І вось самы час падзяліцца рэцэптамі, якія ў гэтым дапамогуць.
Уявім сітуацыю, што вы наварылі зашмат рысу і не ведаеце, што з ім рабіць, бо як гарнір ён ужо не лезе. У гэтым выпадку скарыстайцеся рэцэптам рысавых катлетак — яны будуць даспадобы як у выглядзе гарніру, так і як заедак на выпадак, калі да вас прыйшлі госці.
Цікавы прысмак тут надае вэнджаны сыр, і я б раіла выкарыстаць менавіта яго, але калі няма нічога падобнага, бярыце ваш улюбёны сыр і дадайце цікавых прыправаў. Таксама можаце дадаць больш смаку семкам, зрабіўшы наступным чынам: разаграяце сухую патэльню, на яе кладзяце семкі, дробку цукру, куміну, солі і папрыкі. Даём трохі падрумяніцца, здымаем з патэльні і потым здрабняем.
На 4 порцыі:
- 2 шклянкі прыгатаванага рысу (гэта прыкладна 1 шклянка сухога);
- 1 цыбуліна;
- 2 морквіны;
- 100 гр. вэнджанага сыру;
- 2 ст. л. гарбузовых семак;
- 2 яйкі;
- 2 ст. л. мукі;
- 2 ст. л. сухароў для паніроўкі;
- алей.
Цыбуліну дробна наразаем, моркву тром на тарцы. На патэльні грэем алей і смажым цыбулю і моркву да мяккасці.
Сыр тром на тарцы, семкі драбнім у ступцы ці кавамолцы.
Змешваем рыс з сырам, агароднінай, семкамі, яйкамі і мукой. Па жаданні пасаліце (але збольшага салёнасць надае вэнджаны сыр).
Фармуем катлеткі і кладзём іх на пергамент, змазаны алеем. Запякаем у духоўцы 20 хвілін пры 180 градусах, пераварочваем катлеткі і пакідаем яшчэ на 5 хвілін. Падаём з любімым соусам. Я вам прапаноўваю паспрабаваць варыянт гарчычна-мядовага соусу.
Гарчычна-мядовы соус
- 2 ст. л. мёду;
- 2 ст. л. мяккай гарчыцы;
- 1 ст. л. лімоннага соку;
- 2 ст. л. аліўкавага алею;
- 1 зубчык часнаку.
Часнок дробна нарэзаць і змяшаць з усімі астатнімі інгрэдыентамі. Трымаць у халадзільніку.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары