Міністэрства эканомікі Беларусі прапаноўвае раздзяліць функцыі дзяржавы як уласніка і як рэгулятара, паведаміў намеснік міністра эканомікі Аляксандр Ярашэнка на брыфінгу 30 ліпеня.
Ярашэнка адзначыў, што тэма кіравання дзяржавай сваёй уласнасцю з'яўляецца актуальнай і Мінэканомікі сёння выступае з адпаведнымі прапановамі. «Мы ўносім прапанову падзяліць функцыі дзяржавы як уласніка і як рэгулятара. Наша прапанова заключаецца ў тым, каб у краіне быў асобны орган дзяржкіравання, які б аб'ядноўваў у сабе функцыі кампетэнтнага, эфектыўнага кіравання дзяржаўнай уласнасцю», — сказаў намеснік міністра.
Паводле яго меркавання, тэма павышэння эфектыўнасці кіравання дзяржсектарам з'яўляецца вельмі складанай, паколькі неабходна вырашыць кадравае пытанне. «Спатрэбяцца кампетэнтныя кадры, з тым каб кіраваннем у адпаведных органах гаспадарчых таварыстваў з дзярждоляй спецыялісты займаліся як прафесійнай дзейнасцю, а не па сумяшчальніцтве з іншай працай», — падкрэсліў Ярашэнка.
Паводле яго слоў, пытанні ўдасканалення карпаратыўнага кіравання прадпрыемстваў з дзярждоляй сёння разглядаюцца на ўзроўні Міністэрства эканомікі і Дзяржаўнага камітэта па маёмасці.
«У канчатковым выніку неабходна забяспечыць эфектыўнае кіраванне, а самае галоўнае — эфектыўнае функцыянаванне дзяржаўнага сектара», — рэзюмаваў Ярашэнка.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў3
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары