Biełaruś uvachodzić u top-10 suśvietnych eksparcioraŭ uhnajeńniaŭ
Biełaruś zaniała 10‑je miesca ŭ suśvietnym rejtynhu eksparcioraŭ uhnajeńniaŭ. Naša kraina pastaviła na źniešnija rynki 2,44 miljona ton pradukcyi. Danyja Charčovaj i sielskahaspadarčaj arhanizacyi AAN (FAO) uličvajuć ekspart azotnych, fosfarnych i kalijnych uhnajeńniaŭ u pieraliku na źmiest pažyŭnych rečyvaŭ, piša Thinktanks.pro.
Zdymak ilustracyjny. Fota: Lookby.media
Siarod susiedziaŭ Biełaruś apiaredžvaje ŭsich, akramia Rasii. Rasija zajmaje pieršaje miesca ŭ śviecie z 23,23 miljona ton. Polšča znachodzicca na 19‑m miescy (1,07 miljona ton), Litva — na 24‑m z 727,2 tysiačy ton. Łatvija zajmaje 62‑ie miesca (64,3 tysiačy ton), a Ukraina zaniała 86‑ie z 13,3 tysčy ton.
Suśvietny ekspart uhnajeńniaŭ u 2024 hodzie pieravysiŭ 113,3 miljona ton. Druhoje miesca paśla Rasii zaniała Kanada z 14,42 miljona ton, treciaje — Maroka z 12,15 miljona ton. Kitaj ekspartavaŭ 10,13 miljona ton i zaniaŭ čaćviortaje miesca. Piaciorku lidaraŭ zamykajuć ZŠA (6,37 miljona ton).
Čytajcie taksama:
Kłaskoŭski: Kali kalij pojdzie praz Kłajpiedu, heta źnizić zaležnaść Biełarusi ad Rasii
Cichanoŭskaja: Ciapier nie čas handlavać z dyktatarami
Pieršaje sudna ź biełaruskim kalijem prybudzie ŭ ZŠA ŭ kastryčniku
Tramp nie baicca, što kalijnaja ździełka ź Biełaruśsiu moža ŭzmacnić pazicyi Rasii
U Kanadzie sumniavajucca, što biełaruski kalij budzie amierykancam bolš vyhadny za ichni