Беларусь уваходзіць у топ-10 сусветных экспарцёраў угнаенняў
Беларусь заняла 10‑е месца ў сусветным рэйтынгу экспарцёраў угнаенняў. Наша краіна паставіла на знешнія рынкі 2,44 мільёна тон прадукцыі. Даныя Харчовай і сельскагаспадарчай арганізацыі ААН (FAO) улічваюць экспарт азотных, фосфарных і калійных угнаенняў у пераліку на змест пажыўных рэчываў, піша Thinktanks.pro.
Здымак ілюстрацыйны. Фота: Lookby.media
Сярод суседзяў Беларусь апярэджвае ўсіх, акрамя Расіі. Расія займае першае месца ў свеце з 23,23 мільёна тон. Польшча знаходзіцца на 19‑м месцы (1,07 мільёна тон), Літва — на 24‑м з 727,2 тысячы тон. Латвія займае 62‑е месца (64,3 тысячы тон), а Украіна заняла 86‑е з 13,3 тысчы тон.
Сусветны экспарт угнаенняў у 2024 годзе перавысіў 113,3 мільёна тон. Другое месца пасля Расіі заняла Канада з 14,42 мільёна тон, трэцяе — Марока з 12,15 мільёна тон. Кітай экспартаваў 10,13 мільёна тон і заняў чацвёртае месца. Пяцёрку лідараў замыкаюць ЗША (6,37 мільёна тон).
Чытайце таксама:
Класкоўскі: Калі калій пойдзе праз Клайпеду, гэта знізіць залежнасць Беларусі ад Расіі
Ціханоўская: Цяпер не час гандляваць з дыктатарамі
Першае судна з беларускім каліем прыбудзе ў ЗША ў кастрычніку
Трамп не баіцца, што калійная здзелка з Беларуссю можа ўзмацніць пазіцыі Расіі
У Канадзе сумняваюцца, што беларускі калій будзе амерыканцам больш выгадны за іхні