U Rasiju nie puścili amal tonu rahoŭ ź Biełarusi
Na rasijska-biełaruskaj miažy ŭ vioscy Łabok Siebiežskaha rajona Pskoŭskaj vobłaści supracoŭniki Raśsielhasnahladu praviali vieterynarny kantrol hruzu ź Biełarusi. Padčas pravierki było ŭstanoŭlena, što ź biełaruskaj terytoryi pieravozili 867 kiłahramaŭ palaŭničych trafiejaŭ — alenich i łasinych rahoŭ.
Inśpiektary vyśvietlili, što na hety hruz nie było nieabchodnych vieterynarnych supravadžalnych dakumientaŭ. U pryvatnaści, adsutničali paćviardžeńni biaśpieki pradukcyi, jaje pachodžańnia, praviadzieńnia nieabchodnaj apracoŭki, a taksama dakumienty ab epidemijałahičnaj normie na terytoryi, adkul pachodzili trafiei.
Pakolki pieramiaščeńnie palaŭničych trafiejaŭ praz mytnuju terytoryju Jeŭrazijskaha ekanamičnaha sajuza zabaroniena biez adpaviednaha afarmleńnia, byŭ składzieny akt ab viartańni hruzu.
U vyniku rohi zaviarnuli nazad u Biełaruś.
Čytajcie taksama:
U Lubanskim rajonie ŭ pryrodu vypuścili 46 jeŭrapiejskich łaniaŭ
Biełarusam źbirajucca dazvolić palavać jašče na adnu žyviolinu
Pad Barysavam miadźviedzica naradziła ažno čatyroch miedźviedzianiat. Heta vielmi redki vypadak