Vital Lisakovič praciahnie karjeru ŭ Kazachstanie

Biełaruski napadnik Vital Lisakovič praciahnie karjeru ŭ Kazachstanie. Futbalist nacyjanalnaj zbornaj padpisaŭ kantrakt z kłubam «Taboł» z Kastanaja.

Vital Lisakovič

Pieršuju častku siezona 28‑hadovy forvard pravioŭ u składzie žodzinskaha «Tarpieda-BIEŁAZ». Za vosiem matčaŭ jon zabiŭ try miačy i addaŭ čatyry halavyja pieradačy.

Ciapier «Taboł» zajmaje vośmaje miesca ŭ čempijanacie Kazachstana. Kamanda taksama ŭdzielničaje ŭ Lizie kanfierencyj. Hałoŭnym trenieram kłuba źjaŭlajecca biełaruski śpiecyjalist Mirasłaŭ Ramaščanka.

Hulec nacyjanalnaj kamandy Biełarusi pa futbole Vital Lisakovič pačynaŭ svaju karjeru ŭ salihorskim «Šachciory», paśla ŭ 2018‑2019 hadach hulaŭ u niekalkich charvackich kłubach, z 2020 hoda — u Rasii. Vosieńniu minułaha hoda jon staŭ futbalistam słavienskaha «Cele», ale zhulać jamu tam nie ŭdałosia, tamu sioleta viarnuŭsia ŭ Biełaruś — ale i tut nadoŭha nie zatrymaŭsia.

28‑hadovy Lisakovič viadomy svaim składanym charaktaram, što, vidać, jamu najpierš i zaminaje zamacavacca nadoŭha ŭ jakim-niebudź kłubie. Paśla zvalnieńnia z salihorskaha «Šachciora» ŭ 2020 hodzie jon pamianiaŭ užo 9 kamandaŭ, i rasstavańnie prynamsi ź niekatorymi ź ich nie abychodziłasia biez skandałaŭ.

Kamientary da artykuła