Na Viačy pa canie katedža pradajecca viadomaja baza adpačynku

Na tarhi vystavili bazu adpačynku «Viača». Na jaje terytoryi znachodziacca bolš za 70 damkoŭ, stałovaja, biljardnaja, letniaje navies-kafe z uparadkavanaj terytoryjaj. Abjekt raźmieščany za niekalki kiłamietraŭ ad Minska, paviedamlaje Realt.by.

Baza adpačynku «Viača» znachodzicca ŭ rajonie vioski Pilnica, u lasnym masivie na bierazie vadaschovišča. Sukupnaja płošča učastkaŭ amal 6 hiektaraŭ na pravie pastajannaha karystańnia.

Abjekt pradajecca adnym łotam, u skład jakoha ŭvachodzić numarny fond: bolš za 70 spalnych i finskich damkoŭ, paviljony, administracyjnyja korpusy.

Plus budynak stałovaj (877,9 m²), biljardnaja, letniaje navies-kafe z uparadkavanaj terytoryjaj (bolš za 7 000 m²). Baza pracoŭnaja: elektrazabieśpiačeńnie, vadavody, fiekalnaja kanalizacyja, hielijaŭstanoŭki i ułasnyja sistemy aciapleńnia pracujuć. Chaładzilnaje i aciaplalnaje abstalavańnie, biljardnyja stały, manhały — usio heta hatova da zapusku.

Na terytoryi vykanana ŭparadkavańnie: zialonaja zona z dubovymi i chvojnymi nasadžeńniami, sad, pramy dostup da vady.

Pačatkovy košt: 1 035 613,65 rubloŭ (356,3 tysiačy dalaraŭ pa kursie). Za takija ž hrošy ŭ hetaj łakacyi pradajucca novyja katedžy.

Kamientary da artykuła