U Vilejskim rajonie adkapali ślady ŭzbrojenaha kanfliktu siaredziny I tysiačahodździa
Adkryćcio zrabili padčas štohadovaj archieałahičnaj praktyki studentaŭ histaryčnaha fakulteta BDU. Raskopki prachodziać kala vioski Rečki Vilejskaha rajona pad kiraŭnictvam zahadčycy kafiedry archieałohii i śpiecyjalnych histaryčnych dyscyplin Paliny Kurłovič, piša pres-słužba BDU.
Padčas daśledavańniaŭ vučonyja vyjavili reštki ŭmacavańniaŭ, źniščanyja pažaram. Siarod ich — ziemlany vał, na jakim raniej stajała draŭlanaja ściana. U hetym miescy taksama znajšli nakaniečniki streł, što śviedčyć pra toje, što haradzišča mahło zhareć u vyniku vajennaha sutyknieńnia.
Znojdzienyja ŭ płaście pažaru pradmiety dazvalajuć papiarednie adnieści hetyja padziei da epochi Vialikaha pierasialeńnia narodaŭ — prykładna da IV — pieršaj pałovy V stahodździaŭ.
Akramia taho, archieołahi daśledujuć nieŭmacavanaje pasielišča kala padnožža haradzišča. Tam znachodziać roznyja rečy taho času: žaleznyja i hlinianyja pryłady pracy, elemienty adzieńnia, vyraby z kości i kieramičny posud.
Ekśpiedycyja ŭ Rečkach praciahniecca da 28 lipienia. Paśla zakančeńnia rabot znojdzienyja artefakty pieradaduć u navučalnuju łabaratoryju muziejnaj spravy histaryčnaha fakulteta BDU, dzie ich dadatkova vyvučać, a potym uklučać u muziejnuju ekspazicyju.
Čytajcie taksama:
U Lidzie pad ścienami zavoda raskapali krypty z sarkafahami
U Naraŭlanskim rajonie znajšli raniej nieviadomuju abarončuju viežu časoŭ VKŁ
U Lepielskim rajonie archieołahi znajšli burštynavyja padvieski i kamiennyja bułavy
U Połacku adkryli muziej samaha staražytnaha manastyra Biełarusi