Harnałyžny kompleks «Łahojsk» vystavili na prodaž užo treci raz

Harnałyžny kompleks «Łahojsk» vystavili na ŭžo trecija tarhi. Za dva miesiacy jahony startavy košt źniziŭsia prykładna na 40%.

Fota: e-auction.by

Ciapier za kompleks prosiać krychu bolš za 13,9 miljona rubloŭ. Na papiarednich tarhach, jakija nie adbylisia z-za adsutnaści kupcoŭ, košt składaŭ kala 18,5 miljona rubloŭ, a na pieršych tarhach abjekt aceńvaŭsia bolš čym u 23 miljony rubloŭ.

«Łahojsk» pradajecca jak adziny majomasny kompleks. U jaho skład uvachodziać nie tolki harnałyžnyja trasy, ale i restaran, SPA-centr, haściavyja damki i inšyja abjekty infrastruktury.

Kompleks spyniŭ pracu paśla zakančeńnia zimovaha siezona 2026 hoda. Jon dziejničaŭ kala 22 hadoŭ i ciapier pradajecca jak aryštavanaja majomaść kampanii «Trajpł» Juryja Čyža z-za zapazyčanaściaŭ.

Nastupny aŭkcyjon pryznačany na 23 lipienia.

Kamientary da artykuła